Saılaýdy uıymdastyrý men ótkizýge 13 399 saılaý komıssııasy tartyldy
Onyń atap ótýinshe, saılaýdy uıymdastyrý men ótkizýge barlyǵy 13 399 saılaý komıssııasy quryldy. Olardyń ishinde: 9 840 ýchaskelik saılaý komıssııasy, 171 aýdandyq, 37 qalalyq, 16 oblystyq, Astana jáne Almaty qalalary aýmaqtyq saılaý komıssııalary, sondaı-aq aýdandyq máslıhattarǵa saılaý jónindegi 2 160 okrýgtik saılaý komıssııasy, qalalyq máslıhattarǵa saılaý jónindegi 625 okrýgtik saılaý komıssııasy jáne oblystyq máslıhattarǵa saılaý jónindegi 550 okrýgtik saılaý komıssııasy bar. Olardyń quramynda 93 myńnan astam múshe tirkelgen.
«Olardyń barlyǵy tıisti daıyndyq pen oqytýdan ótti.
Elektorattyq naýqan kezeńinde aýmaqtyq saılaý komıssııalary saılaýdy uıymdastyrýshylardy quqyqtyq oqytý jóninde 900-ge jýyq semınar, keńes, trenıng jáne ózge de is-sharalar ótkizdi.
Ortalyq saılaý komıssııasy úsh respýblıkalyq semınar: saılaýdy uıymdastyrýshylar úshin; BAQ ókilderi úshin jáne saılaýǵa qatysatyn saıası partııalar úshin uıymdastyrdy», - dedi OSK hatshysy.
Sondaı-aq, B.Meldeshov Ortalyq saılaý komıssııasy barlyq saılaý komıssııalaryn qajetti ádistemelik materıaldarmen qamtamasyz etkenin eske saldy. Atap aıtqanda, QR OSK tapsyrysy boıynsha, aýmaqtyq, okrýgtik jáne ýchaskelik saılaý komıssııalary, saıası partııalar men olardyń senim bildirgen adamdary, máslıhattar depýtattyǵyna kandıdattar men olardyń senim bildirgen adamdary, baıqaýshylar, BAQ ókilderi úshin aqparattyq plakattardyń 8 túrin jáne jadnamalardyń, quraldardyń, jınaqtar men basqa da baspa ónimderiniń 14 ataýy ázirlendi.
