Saılaýdy tolyqtaı onlaın ótkizý múmkin be - Baǵdat Mýsın túsindirdi

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın saılaý protsesin tolyqtaı tsıfrlandyrý múmkindigine baǵa berdi, dep habarlaıdy QazAqparat tilshisi.

«Keleshekte ýchaskege tirkeý men shyǵarýdy onlaın jasaýǵa bolady. Bul protsess kúrdeli emes. Daýys berý protsesiniń ózine qatysty aıtar bolsam, onda bul protsesti bir aıdyń ishinde jasaý múmkin emes. Ol úshin tehnologııalyq turǵydan daıyndyq bolýy tıis. Ortalyq saılaý komıssııasy da daıyndalýy qajet. Protsesterdi birneshe qyrynan zerdeleý de kerek. Daýys berý protsesiniń ózin ǵana emes», - dedi Baǵdat Mýsın Shetel ınvestorlary keńesiniń kezekti otyrysynan keıin BAQ ókilderiniń saýalyna oraı.

Onyń atap ótýinshe, baıqaýshylardy da qaperge alý kerek.

«Biz bárin túgel avtomattandyra alamyz. Al baıqaýshylar qalaı qadaǵalaıdy ony? ıAǵnı, daýys berý protsesiniń birneshe qyry bar. Baıqaýshy bir adamnyń qaǵazdy alǵanyn, qol qoıǵanyn, nómirlegenin kóredi. Al elektrondy túrde munyń bári qalaı uıymdastyrylady? Tsıfrlandyrýshy retinde bizdiń daıyn ekenimiz túsinikti. Biraq, másele basqada. Búkil protsesti tsıfrlandyrǵan tym bolmaǵanda bir eldi atańyzdarshy. Daýys berý protsesin halyqaralyq ádister turǵysynan da zerdeleý kerek. Óıtkeni, tek tsıfrlandyryp, endi osylaı bolady dep aıta almaımyz. Protsedýranyń ózin elektrondy túrde jasaý qıyn emes. Alaıda, búkil halyqaralyq qoǵamdastyq ony rastaıtyndaı etip jasaý kerek», - dedi mınıstr.