Saılaýdy qoldaý maqsatynda «Biz qoldaımyz!» atty jastardyń yntaly toby quryldy

Toptyń maqsaty - jastardy óz kandıdatyn qoldaýǵa jáne Qazaqstan Respýblıkasynyń Prezıdentin saılaýǵa uıymshyldyqpen qatysýǵa tartý bolyp otyr.

«Saılaýǵa qatysý bul Konstıtýtsııada jazylǵandaı, árbir azamattyń quqyǵy ǵana emes, sonymen birge, árqaısymyzdyń azamattyq boryshymyz. Elimizde 18-29 jas aralyǵyndaǵy jastar barlyq turǵyndardyń úshten bir bóligin qamtıtyndyǵy jáne qaı salada bolmasyn qozǵaýshy kúsh ekendigi barshamyzǵa málim. Alaıda, jastar saılaý naýqanynda óz erkin bildirýde belsendilik tanyta almaıdy. Sol sebepti, ózimizdiń eń basty, qozǵaýshy kúsh ekendigimizdi kórseteıik. Jastar saılaýǵa qatysyp óz úmitkerimizdi qoldaıyq!» - dedi top músheleri.

Jıyn sońynda «Biz qoldaımyz!» yntaly tobynyń jastarǵa arnalǵan Úndeýi qabyldandy.