SAILAÝDY KEREK QYLMAITYN ADAMDARDYŃ QATARY KÓBEIDІ - PREZIDENT

NUR-SULTAN. QazAqparat – Saılaýdy kerek qylmaıtyn adamdardyń qatary kóbeıdi. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda málim etti, dep habarlaıdy QazAqparat tilshisi.

«Saılaý júısin jetildirýge toqtalǵan Prezıdent: «Saıası jańǵyrýdyń basty maqsaty – azamattardyń memleketti basqarý isindegi rólin arttyrý. Bul jumysty saılaý úderisi arqyly da júzege asyramyz. Biz osydan 15 jyl buryn konstıtýtsııalyq reforma aıasynda Májilis depýtattaryn proportsıonaldy tásilmeý saılaýǵa kóshtik. Al 2018 jyldan bastap máslıhattaryn da osy úlgimen saılaıtyn boldyq. Bul qadamdar elimizdegi partııalyq júıeni damytýǵa tyń serpin berdi. Alaıda onyń jaǵymsyz tustary da baıqaldy. Partııada joq azamattar Májiliske ǵana emes, jergilikti ókildi organdarǵa da saılana almaıtyn boldy. Muny ashyq moıyndaýymyz kerek. Sonyń saldarynan halyqtyń saılaý naýqanyna qyzyǵýshylyǵy kúrt tómendedi», - dedi Prezıdent.

Osy oraıda Memleket basshysy saılaýdy kerek qylmaıtyn adamdardyń qatary kóbeıgenin atap ótti.

«Olar ózderiniń daýysy mańyzdy ekenine, el ómirin jaqsartýǵa yqpal ete alatynyna senbeıtin boldy. Ashyǵyn aıtsaq, qazir jurt depýtattardy asa tanı bermeıdi», - dedi Qasym-Jomart Toqaev.