Saılaýdy qalaı ádil ótkizemiz: QR OSK tóraǵasy Jetisý jurtshylyǵymen pikirlesti
Basty maqsat - Memleket basshysynyń 2020 jylǵy Joldaýynda saılaýǵa qatysty aıtylǵan tapsyrmalaryn júzege asyrý.
Esterińizde bolsa, Prezıdenttiń halyqqa Joldaýynda aýyl ákimderin tikeleı saılaý bastamasy kóterilgen bolatyn. Sonyń nátıjesinde, 935 aýyl ákimin tikeleı saılaý naýqany ótkizildi. Ótken jyly 25 shildede 736 ákim saılandy. Endigi kezekte Qasym-Jomrat Kemeluly 2023 jyly aýdan ákimderin tikeleı saılaý pılottyq joba retinde júzege asatynyn aıtty. Sondyqtan da, bul kezdesý aldaǵy saıası doda aldyndaǵy daıyndyqtyń alǵashqy satysy bolyp tabylady.
Kezdesýde sóz alǵan Nurlan Ábdirov, Prezıdenttiń saılaýdy jańa formatqa kóshirý kerektigi týraly aıtqandyǵyna toqtaldy.
«Qasym-Jomart Toqaev elmen kezdesip, olardyń muń-muqtajyn estý, usynystary bolsa tyńdap, eskerý qajettigin aıtty. Negizgi másele - saılaý protsesin jetildirý, qoǵamnyń suranystaryna qaraı osyny uıymdastyryp, aldaǵy saılaý naýqandaryn zańǵa súıene otyryp, qamtamasyz etý qajet dep tapsyrma berdi»,-dedi QR Ortalyq saılaý komıssııasynyń tóraǵasy.
Jıynda saılaý naýqanyndaǵy júıelerdiń birizdiligi, komıssııa quramy men saıası dodany ótkizýdegi ádildikti qamtamasyz etý syndy birqatar suraqtar kóterilip, turǵyndar tarapynan usynystar da aıtyldy.
Kezdesýde alǵashqy usynys, Almaty oblysy qoǵamdyq palatasynyń tóraǵasy Bolat Ábishulynyń tarapynan tústi. Ol Senat depýtattarynyń saılaýyna ár óńirdegi qoǵamdyq keńestiń bir múshesi saılanýy kerek degen usynysyn jetkizdi.
Onyń sózinshe, sonda ǵana Senat - halyqtyq degen atqa ıe bolady. Kelesi kezekte, respýblıkalyq baıqaýshylar uıymynyń múshesi Ermek Eshmuhametov halyqtyń saıýlaýdyń ádildigine senbeıtindigin sonymen qatar, naýqan kezinde aýmaqtyq saılaý komıssııasy músheleriniń pendeshilikke salynatynyn ashyp aıtty.
Ol, saılaý komıssııalarynyń músheleri retinde memleketten jalaqy almaıtyn, bılikke táýelsiz qoǵamdyq emes uıymdardyń ókilderin saılaý komıssııasynyń quramyna engizý shart degen oıyn bildirdi. Sóziniń sońyn Ermek Eshmuhametov «Jańa Qazaqstandy qurǵymyz kelse, memleketti oılaýymyz qajet»,- dep túıindedi.
Sonymen qatar, ózgede qoǵam qaırat kerleri men keńes músheleri, aýmaqtyq saılaý komıssııasynyń qurylýyna ózgeris engizip, saıası dodanyń durys ótýi úshin eldiń belsendiligin arttyrý kerektigi jaıly pikirlerin ortaǵa saldy.
Áýelde saılaý júıesine jańa format engizýge qatysty kezdesýge kelgender, elektrondy júıege kóshý kerek ekenin jetkizdi. Degenmen, ashyq dıolog alańynda jınalǵan jurttyń oıy ekige bólindi. Biri, elktrondyq júıe- saılaýdyń ashyq ári ádil ótetinine eldiń senimin uıalatady dedi. Ekinshi top, shalǵaı eldi mekenderde ǵalamtordyń jyldamdyǵynyń azdyǵy men qarııalardyń jańa formatqa úırenispeıtindigin aıtyp jatty.
Al, ortalyq saılaý komıssııasynyń músheleri bul formatqa áli aýyspaıtyndyǵyn, júıeni jańashalaý úshin qyrýar qarjy qajettigin alǵa tartty.
Jıyn sońynda tóraǵa, saılaý júıesindegi ketetin olqylyqtardyń basym bóligi saılaý komıssııalarynyń músheleri qoldanystaǵy zańdy bilmeıtindigi dep qysqa qaıyrdy.
QR Ortalyq saılaý komıssııasynyń tóraǵasy Nurlan Májıtuly elde 70 myń ýchaskelik saılaý komıssııasynyń músheleri bar ekendigin, alaıda olardyń kópshiliginiń «Saılaý týraly» zańdy biletindigine kepildik bere almaıtyndyǵyn jetkizdi. Dál osy qatelik, baqylaýshylar arasynda da kezdesetindigin aıtty.
«Árkim óz quqyǵyn bilýi kerek. Osy jaǵynan oqyp, úıretýimiz qajet. Biz óz tarapymyzdan qoldan kelgenshe Prezıdenttiń tapsyrmasyn tolyq qamtýǵa tyrysamyz. Qazir ózgeristiń zamany. «Jańa Qazaqstan» degen jalań sóz bolyp qalmaýy tıis. Bárisiz de shynaıy bilimiz ben tájirbıemizdi eldiń bolashaǵy jolynda sarp etýimiz qajet»,-dep qorytyndylady QR ortalyq saılaý komıssııasynyń tóraǵasy Nurlan Májıtuly.
Vedomstvo ókilderi buǵan deıin eldiń 8 oblysynda aýqymdy jıyndar ótkizgen.
