Saılaýdy baqylaý respýblıkalyq qoǵamdyq komıssııasy aımaqtarda birqatar semınarlar men brıfıngter ótkizbek
ASTANA. QazAqparat - 26 sáýirge belgilengen kezekten tys QR prezıdentin saılaýǵa qatysty Saılaýdy baqylaý respýblıkalyq qoǵamdyq komıssııasy aımaqtarda birqatar semınarlar men brıfıngter ótkizbek. Bul týraly qoǵamdyq komıssııa tóraǵasynyń orynbasary Janargúl Qusmanǵalıeva málim etti.
«Biz komıssııanyń baspasóz ortalyǵynda brıfıngter men semınar-trenıngter jasap turatyn bolamyz. Sonymen qatar, el aımaqtarynda da birqatar sharalardy ótkizýdi josparlaýdamyz. Alǵashqy brıfıng komıssııa fılıaldarynyń jumysy týraly bolady. Sonymen qatar aralyq brıfıngter bolady. Máselen, saılaý barysyndaǵy buzýshylyqtar men olqylyqtar týraly jedel málimdemeler de bolady dep oılaımyn», - dedi ol.
Sonymen birge respýblıkalyq komıssııa músheleri aımaqtarǵa shyǵyp turady jáne sonda jergilikti BAQ ókilderimen júzdesedi.
Eske salaıyq, QR Prezıdentin saılaý 26 sáýirge belgilengen.
