Saılaýdyń uıymdastyrylýy da, azamattardyń belsendiligi de tańǵaldyrdy – TMD baıqaýshylary

Saılaý kezeńinde jáne daýys berý kúni mıssııa quramynda 69 baıqaýshy jumys istep jatyr. Olardyń bir bóligi Astanadaǵy saılaý ýchaskelerinde, sondaı-aq Qazaqstannyń shet memleketterdegi dıplomatııalyq ókildikteri janynan ashylǵan 9 sheteldik saılaý ýchaskesinde baıqaý júrgizdi. Bul týraly halyqaralyq baıqaýshylarǵa járdemdesý ortalyǵynda ótken brıfıngte Ázirbaıjan Mıllı Medjlısiniń qorǵanys, qaýipsizdik jáne sybaılas jemqorlyqqa qarsy kúres komıtetiniń múshesi Sabına Salmanova málimdedi.

Astanada TMD PAA baıqaýshylary tańerteńnen beri kem degende 13 saılaý ýchaskesin aralaǵan. Olardyń qatarynda №130, №175, №485 jáne №193 ýchaskeleri bar.

– Tańǵy ýaqyttan-aq saılaýdyń uıymdastyrylýy ǵana emes, azamattardyń belsendiligi de meni tańǵaldyrdy. Daýys berýge egde jastaǵy adamdar da, jastar da kelip jatyr. Ýchaskelerde ulttyq baıqaýshylar da boldy, biz olarmen sóılestik. Olardyń arasynda saıası partııalardan da, qoǵamdyq uıymdardan da kelgen baıqaýshylar bar, – deıdi Sabına Salmanova.

Armenııa Ulttyq Jınalysynyń ókiletti ókili Aık Chılıngarıan daýys berý protsesi zańnama talaptaryna sáıkes ótip jatqanyn atap ótti.

– Biz saılaý ýchaskeleriniń ashylýyna qatystyq, onda jergilikti baıqaýshylar boldy. Birneshe ýchaskede partııalardyń senim bildirilgen ókilderimen de sóılestik. Bir ýchaskede halyqaralyq baıqaýshylardy kezdestirdik. Áńgime barysynda barlyǵy saılaýdyń tynysh, eshqandaı zań buzýshylyqsyz ótip jatqanyn rastady. Osyndaı pikirdi jergilikti uıymdardyń baıqaýshylary men osy saılaýdaǵy kandıdattar shtabtarynyń senim bildirilgen ókilderi de bildirdi, – dedi Chılıngarıan.

Mıssııa múshesi sondaı-aq barlyq ýchaskelerde baıqaýshylarǵa berilgen esepten shyǵarý kýálikteri týraly aqparat usynylatynyn aıtty. Aık Chılıngarıannyń sózinshe, ár ýchaskede orta eseppen osyndaı shamamen 10 kýálik berilgen, al taǵy bes kýálikti sol ýchaskede daýys berý úshin saılaýshylar ózderi usynǵan.

Qazaqstandyqtardyń saılaýdaǵy joǵary belsendiligin Reseı Federaldyq Jınalysy Federatsııa Keńesiniń áleýmettik saıasat jónindegi komıteti tóraǵasynyń orynbasary ıÝlııa Lazýtkına da atap ótti.

– Halyq, saılaýshylar daýys berýge yqylaspen, kóterińki kóńil kúımen kelip jatyr. Biz barǵan barlyq ýchaskelerde tirkelgen saılaýshylar sany aıtarlyqtaı kóp ekenin baıqadyq. Erekshe atap ótkim keletini, biz bolǵan 13 ýchaskeniń birde-birinde úıde daýys berýge ótinish túspegen. ıAǵnı adamdar saılaý ýchaskesine ózderi kelip, óz erkin bildirýge nıetti. Bizben birge birneshe halyqaralyq baıqaýshy da boldy. Qazirgi sátte biz barǵan ýchaskelerde eshqandaı zań buzýshylyq anyqtalǵan joq, – dedi ol.

Baıqaýshylar ýchaskelik saılaý komıssııalary músheleriniń kásibıligine de joǵary baǵa berdi. Reseı Memlekettik Dýmasynyń TMD isteri, Eýrazııalyq ıntegratsııa jáne otandastarmen baılanys jónindegi komıteti tóraǵasynyń birinshi orynbasary Kazbek Taısaevtyń aıtýynsha, saılaý ýchaskelerinde múmkindigi shekteýli azamattar úshin barlyq qajetti jaǵdaı jasalǵan.

– Búgingi saılaýǵa qatysý deńgeıi bizdi tańǵaldyrdy. Kóptegen ýchaskelerdi araladyq. Biz bolǵan ýchaskelerde eshqandaı zań buzýshylyq anyqtalǵan joq. Kerisinshe, Ortalyq saılaý komıssııasyna óte saýatty ári bilikti komanda qalyptastyryp, daıyndaı alǵany úshin alǵys aıtqymyz keledi. Ýchaskelik komıssııa tóraǵalary kez kelgen týyndaǵan suraqqa jaýap berýge daıyn, bilikti, saýatty mamandar. Sondyqtan eshqandaı qıyndyq joq, adamdar tynysh kelip, daýys berip jatyr, – dedi TMD PAA mıssııasynyń múshesi.

Ol sondaı-aq jastardyń daýys berýge belsendi qatysyp jatqanyn jáne olardyń óz tańdaýyna sanaly túrde qaraıtynyn atap ótti.

-Dostarymnyń, áriptesterimniń pikirin qoldaımyn. Saılaýǵa qatysý deńgeıi shynymen de laıyqty. Ásirese kóptegen jastyń sanaly túrde kelip, ne úshin jáne qaı partııaǵa daýys berip jatqanyn jaqsy biletini qýantady, – dep qorytyndylady Kazbek Taısaev.

Aıta keteıik, búgin elimizdiń barlyq óńirinde Quryltaı depýtattaryn saılaý bastaldy. Daýys berý 10 423 saılaý ýchaskesinde ótedi.

Sońǵy málimet boıynsha, Quryltaı saılaýynda saılaýshylardyń 53,12 paıyzy daýys berdi.

Quryltaı saılaýyna qatysty barlyq jańalyqpen myna siltemege ótip oqı alasyzdar.