Saılaýdan keıin Senatqa jańa adamdar depýtat bolyp keledi – Máýlen Áshimbaev
«14 qańtarda saılaý ótedi. Osy oraıda 20 senator saılanatyn bolady. Ár óńirden bir depýtattan keledi. Qazir 20 orynǵa 64 kandıdat tirkelgen. Demek, bir orynǵa 3 kandıdattan kelip tur. Bul óz kezeginde básekelestik bar ekenin bildirip otyr. Osy 64 kandıdattyń arasynda 30 paıyzy áıel adamdar ekeni quptarlyq úrdis», - dedi M. Áshimbaev Senattyń jalpy otyrysynan keıin tilshiler suraǵyna jaýap bere otyryp.
Sonymen qatar ol saılaýdaǵy kandıdattardyń arasynda tórteýi qazirgi senatorlar ekenin aıtty.
«Olar negizinen byltyr jańadan qurylǵan oblystardan kelgen senatorlar. Sol sebepti Senatqa jańa adamdar depýtat retinde keletinin atap ótken jón. Qoǵamda qazir jańa adamdarǵa degen suranys bar. Sondyqtar Parlamentke, Senatqa jańa adamdar kelip jatyr dep aıtýǵa bolady», - dedi Senat tóraǵasy.
Eske salsaq, 2023 jyldyń 14 qańtarynda elimizdiń 20 óńirinen bir-bir Senat depýtatyn saılaý ótedi.
Budan buryn habarlanǵandaı, Máýlen Áshimbaev Qazaqstanda «Qurmetti senator» ataǵy eshkimge berilmeıtinin aıtty.