Saılaýdan keıin «parlamenttik oppozıtsııa» degen túsinik qalyptasady – sarapshy
«2021 jylǵy saılaýdyń birinshi ereksheligi – konstıtýtsııalyq merzimge saı, ıaǵnı óz kezegimen ótip jatyr. Ekinshiden, Qazaqstanda tuńǵysh ret máslıhat saılaýy partııalyq tizim boıynsha ótedi. Úshinshiden, tuńǵysh ret saıası partııalardyń barlyq tiziminde 30% kvota saqtalǵan. Tórtinshiden, saılaýdan keıin jańa Parlamenttiń quramynda bizde eń alǵash ret «parlamenttik oppozıtsııa» degen túsinik qalyptasady. Men osy tórt erekshelikti atap ótkim keledi», - deıdi Qazaqstan strategııalyq zertteýler ınstıtýtynyń bólim basshysy Alýa Joldybalına.
Sondaı-aq, Qazaqstan strategııalyq zertteýler ınsttıtýtynyń sarapshysy Madına Bektenova bıylǵy saılaýdyń ereksheligi – koronavırýs pandemııasy jaǵdaıynda ótip jatqanyn basa aıtty.
«Kóptegen memleket osyndaı jaǵdaıda saılaý ótkizýden bas tartty, degenmen saılaý ótkizgen memleketter de bar. Qazaqstan sol kezeńnen sátti ótken memleket qataryna jatady. Búgin bizde barlyq saqtyq sharalaryn saqtaı otyra saılaý ótip jatyr. Saılaýdyń basty ereksheligi – óz ýaqytynda ótip jatyr. Buǵan deıingi Parlament Májilisi saılaýy 5 ret merziminen buryn ótken», - deıd ol.
Eske sala ketsek, buǵan deıin Sailau Talks-2021 sarapshylary ótip jatqan saılaýdyń mańyzdylyǵy talqylaıtynyn jazǵan bolatynyz.
Іs-sharany Qazaqstan saıası ǵylymdar qaýymdastyǵy «QazAqparat» Halyqaralyq aqparat agenttiginiń qoldaýymen uıymdastyryp otyr.
