Saılaýdan keıin elimizdiń damýyna erekshe qarqyn beriledi degen úmittemin - Qaraqat Ábden

ASTANA. QazAqparat – Bıylǵy saılaý naýqanyna halyqtyń qyzyǵýshylyǵy men belsendiligi joǵary. Bul týraly QR Prezıdentin kezekten tys saılaýda úmitker Qaraqat Ábden aıtty, dep habarlaıdy QazAqparat tilshisi.

«Bul saılaýdan keıin elimizdiń damýyna erekshe qarqyn beriledi degen úmittemin. Memleketimizdegi demokratııalyq úderisti eskere otyryp, ádiletti ári jańarǵan Qazaqstan boıynsha jumystardy el bolyp birge júzege asyramyz», - dedi Qaraqat Ábden.

Bul turǵyda ol aldaǵy 7 jylda eldiń damýy jolynda ońtaıly qadamdar bolady degen oıyn jetkizdi.

Budan buryn habarlanǵandaı, QR prezıdentin kezekten tys saılaýda úmitker Qaraqat Ábden daýys berdi.

Ol saılaýaldy shtabymen birge Almaty, Qyzylorda, Aqtóbe, Pavlodar, Jambyl, Túrkistan oblystarynda, Shymkent, Almaty jáne Astana qalalarynda jáne ózge de eldi mekenderde is-sharalar ótkizdi.