Saılaýdaǵy daýys berýdiń joǵary belsendiligi halyqtyń yntymaǵynyń arqasy - aqyn Nesipbek Aıtuly
ASTANA. QazAqparat - Prezıdenttik saılaýdaǵy daýys berýdiń joǵary belsendiligi halyqtyń yntymaǵynyń arqasy. Búgin elordada aqyn, Memlekettik syılyqtyń laýreaty Nesipbek Aıtuly osylaı málim etti.
«Tańerteńnen saılaý ýchaskemizge baryp, daýys berdik. Bıyl saılaý mereke sııaqty, ıaǵnı halyqtyń kóńil-kúıi óte joǵary. Baıqaǵanym, tańerteńnen beri jastar men qarttar da belsendi daýys berip jatyr. Tipti, daýys berýshilerdiń kezekte turǵanyn kórýge bolady. Sondyqtan, bul jolǵy saılaýdyń óte joǵary dárejede ótip jatqandyǵyn, qanattanǵan halyqtyń yntasyn atap ótkim keledi», - dedi N. Aıtuly.
Aqyn elordadaǵy birqatar saılaý ýchaskelerine baryp kelgenin, osy turǵyda zań buzýshylyqtar men kemshilikterdi baıqamaǵanyn jetkizdi.
«Adamdardyń barlyǵy merekege kelgendeı daýys berip jatyr jáne osy jaǵdaı meni kádimgideı qýandyrdy. Munyń barlyǵy elimizdegi birliktiń, yntymaqtyń arqasy», - dedi N.Aıtuly.
