Saılaýda Reseı, Túrkııa jáne Ózbekstan elderindegi qazaqstandyqtar belsendilik tanytty

ASTANA. QazAqparat – Shet elderdegi Qazaqstan azamattary Prezıdent saılaýynda belsedilik tanytty. Bul týraly BAQ ókilderiniń qatysýymen ótken brıfıngte Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Syrtqy ister mınıstrligi QR Prezıdentiniń kezekten tys saılaýynda Qazaqstannyń shet elderdegi Qazaqstan Respýblıkasynyń mekemeleri janyndaǵy saılaý ýchaskeleriniń qyzmetin qamtamasyz etý jónindegi jumysty aıaqtady. Sheteldegi qazaqstandyqtar arasynda joǵary saılaý belsendiligi baıqaldy. 53 memleketti QR mekemeleri janynan saılaýshylardyń jalpy sany 12 841 adamnan turatyn 68 ýchaskelik saılaý komıssııasy ashylǵan. Sheteldegi barlyq ýchaskelik saılaý komıssııalary óz jumystaryn aıaqtady. Qazaqstan Respýblıkasynyń 11 360 azamaty daýys berdi. Bul saılaýshylardyń 88,47 %-yn quraıdy», - dedi vedomstvonyń resmı ókili.

Onyń aıtýynsha, shet memleketterdegi qazaqstandyqtardyń kópshiligi Reseıde daýys bergen. Onda 2 600 adam óz tańdaýyn jasapty. Saılaýshylar sany boıynsha ekinshi orynda Túrkııa tur. Bul elde 1 423 Qazaqstan azamaty daýys bergen. Sonymen qatar, 591 qazaqstandyq Ózbekstan Respýblıkasy aýmaǵyndaǵy saılaý ýchaskelerinde óz tańdaýyn jasaǵan.