Saılaýda biz elimizdiń aldaǵy damý bolashaǵyn tańdaımyz - Aıman Musaqojaeva

NUR-SULTAN. QazAqparat - Mýzyka qaıratkerleriniń odaǵy aldaǵy prezıdent saılaýyna qatysty óz ustanymyn bildirdi. Osyǵan oraı, uıym músheleri búgin arnaıy jıyn ótkizdi, dep habarlaıdy QazAqparat tilshisi.

Qazaq ulttyq óner ýnıversıtetiniń rektory Aıman Musaqojaevanyń aıtýynsha, Memleket basshysy Qasym-Jomart Toqaevtyń kezekten tys prezıdent saılaýyn ótkizýge qatysty sheshimi oryndy. Sebebi xalyq óz qalaýyn bildirip, Prezıdentti saılap alýy qajet.

«Konstıtýtsııa boıynsha Elbasy óz ókilettigin Senat tóraǵasyna tapsyrdy. Al Memleket basshysy Qasym-Jomart Kemeluly Toqaev kezekten tys prezıdent saılaýyn 9 maýsymda ótkizý týraly jarlyqqa qol qoıǵan bolatyn. Ata zańymyzǵa sáıkes, Qazaqstan Prezıdentin xalyq saılaıdy. Elimizdiń árbir azamaty daýys berý arqyly óz kandıdatyn tańdaýǵa quqyly. Sondyqtan Prezıdent saılaýyna baryp, óz tańdaýymyzdy jasaýymyz kerek», - deıdi A.Musaqojaeva.

Onyń aıtýynsha, búginde prezıdenttik bılikti saılaý arqyly kúsheıtip alǵan jón. Buny barlyǵy jaqsy túsinedi. Sonda alda turǵan maqsat-mindetterdi tıimdi iske asyrýǵa bolady.

«Osy oraıda elimizdiń mýzyka qaıratkerleri aldaǵy prezıdent saılaýynyń mańyzyn jaqsy túsinedi, óziniń azamattyq paryzy men jaýapkershiligin sezinedi dep bilemin. 9 maýsymda biz saıasat jaǵynan kózimiz ashyq ekenin kórsetip, saılaý ýchaskesine baryp, bolashaq Prezıdent úshin óz daýysymyzdy berýimiz kerek. Sol arqyly biz elimizdiń aldaǵy damý bolashaǵyn tańdaımyz», - dep atap kórsetti A.Musaqojaeva.