Saılaýda aqparat taratý úshin álemniń 23 elinen 106 jýrnalıst kelgen

ASTANA. QazAqparat – 264 sheteldik buqaralyq aqparat quraldary saılaý protsesi týraly aqparat taratty. Onyń ishinde, osy saılaýǵa áleminiń 23 elinen 106 jýrnalıst arnaıy kelip, olar ýaqytsha akkredıtteldi. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«264 sheteldik buqaralyq aqparat quraldary saılaý protsesi týraly aqparat taratty. Qyzyǵýshylyq óte joǵary boldy. Olar barlyq el boıynsha ótkizilgen brıfıngterge qatysty. BAQ ókilderi tek elordada ǵana emes, sonymen qatar túrli qalalarǵa, elshilikter janyndaǵy saılaý ýchaskelerine bardy», - dep málim etti Aıbek Smadııarov.

Onyń aıtýynsha, saılaýda aqparat taratý úshin álemniń 23 elinen kelgen 106 jýrnalıst ýaqytsha akkredıttelgen. Al jalpy Qazaqstanda 13 eldiń buqaralyq aqparat quraldarynyń atynan 158 jýrnalıst turaqty jumys isteıdi.