Saılaýda 9 791 165 qazaqstandyq daýys beredi dep kútilip otyr - QR OSK
«Ýchaskelik saılaý komıssııalary úshin «Saılaý kúni daýys berý rásimderi týraly» arnaıy oqytý fılmi ázirlendi, ol elimizdiń aýmaqtyq, okrýgtik jáne ýchaskelik saılaý komıssııalaryna jiberildi.
Ýchaskelik saılaý komıssııalary barlyq qajetti qujattarmen jáne jabdyqpen qamtamasyz etilgen. Saılaý bıýlletenderi saılaý ýchaskelerine jetkizildi. Qazirgi ýaqytta daýys berý kúnine belsendi daıyndyq júrýde», - dedi B.Meldeshov.
QR OSK hatshysynyń atap ótýinshe, qazirgi ýaqytta saılaýshylar tizimderin naqtylaý protsesi jalǵastyrylýda. 2016 jylǵy 1 qańtardaǵy jaǵdaı boıynsha saılaýshylar tizimderine 9 791 165 adam engizildi.
«Saılaý kúni saılaýshy elimizdiń kez kelgen saılaý ýchaskesinde daýys berýi úshin aldyn ala daýys berý quqyǵyn beretin esepten shyǵarý kýáligin alý qajet. Saılaýshylar ony 19 naýryz kúngi saǵat 18.00-ge deıin ala alady. Esepten shyǵarý kýáligi bir eldi mekenniń shegindegi basqa saılaý okrýginde nemese basqa saılaý ýchaskesinde daýys bergisi kelgen saılaýshylarǵa berilmeıtinin atap ótemin. Óıtkeni, partııalyq tizimder boıynsha saılanatyn Parlament Májilisiniń depýtattaryn saılaýda elimizdiń barlyq aýmaǵy saılaý okrýgi bolyp tabylady, sondyqtan osy saılaýda esepten shyǵarý kýáligi bar saılaýshylar elimizdiń kez kelgen núktesinde daýys bere alady. Al máslıhattar depýtattyǵyna kandıdattarǵa óz saılaý okrýgi sheginde ǵana daýys berýge bolady», - dedi ol.
