Saılaýaldy naýqanda zań buzýshylyq bolǵan joq – TMD baıqaýshylary

ASTANA. QazAqparat – TMD baıqaýshylary mıssııasy elimizde ótip jatqan Májilis jáne máslıhattar saılaý aldyndaǵy úgit-nasıhat jumystary barysynda kemshilikterdi anyqtaǵan joq. Bul týraly atalǵan mıssııanyń basshysy Leonıd Anfımov aıtty, dep habarlaıdy QazAqparat tilshisi.

«Bizdiń mıssııa ózge mıssııalarǵa qaraǵanda saılaý komıssııalarynyń, onyń ishinde Ortalyq saılaý komıssııasynyń jumysyn iske alǵyssyz qylý úshin «tyrnaq astynan kir» nemese qandaı da bir bolmashy kemshilikterdi izdemeıdi. Búginge deıin úgit-nasıhat naýqanyn ótkizý, depýtattyqqa kandıdattardy usyný barysyndaǵy zań buzýshylyqtar, saılaýaldyndaǵy kúrestegi ádiletsizdikter jaıynda birde-bir kemshilik tappadyq, ondaı aqparat ta joq. Bári de órkenıetti túrde júrgizilip jatyr. Kezekten tys depýtattar saılaýyna óz kandıdatýrasyn usynǵan azamattardyń barly laıyqty», - dedi ol Ortalyq saılaý komıssııasy alańynda uıymdastyrylǵan brıfıngte.

Sonymen qatar Leonıd Anfımov elimizdiń Ortalyq saılaý komıssııasy saılaý naýqanyn qalaı joǵary kásibı turǵyda daıyndaý jáne ótkizý kerektigin pash etkenin aıtty.

Onyń sózine qaraǵanda, mıssııa saılaý qorytyndysyna qatysty baǵalaýyn 20 naýryzda jarııa etedi.