Saılaýaldy naýqanda saıası baǵdarlamalardyń belgili bir básekelestigi boldy - saıasattanýshy
ASTANA. QazAqparat - Saılaýaldy naýqanda saıası baǵdarlamalardyń belgili bir básekelestigi boldy. Búgin «Amanat» ıntellektýaldy pikir-saıys klýbynyń kezekti otyrysyna saıasattanýshy Erlan Saıyrov osyndaı pikir bildirdi.
Onyń paıymdaýynsha, bıylǵy saılaý naýqany ashyq jáne transparentti túrde ótti deýge tolyq negiz bar. «Óıtkeni kandıdattardyń barlyǵyna teń dárejeli múmkindik berildi. Ekinshiden, aqparat quraldarynda barlyq kandıdattardyń saılaýaldy baǵdarlamasy, sonymen birge olardyń qoǵammen ótkizgen kezdesýleri jan-jaqty qarastyryldy. Naýqan barysynda eshqandaı «qara tehnologııalar» qoldanylǵan joq.
Sondaı-aq bul dodada saıası baǵdarlamalardyń básekelestigi boldy dep aıtýǵa tolyq negiz bar. Óıtkeni Qusaıynovtyń baǵdarlamasy bolsyn nemese Syzdyqovtyń baǵdarlamasy bolsyn, olarda solshyl baǵyttaǵy belgili bir urandary boldy. Al Nazarbaevtyń qoǵamdyq shtaby tsentrıstik baǵytty ustady», - deıdi ol.
Onyń aıtýynsha, saıasattanýshylar biraz óńirlerdi aralap qaıtqan. «Sonda kóz jetkizgenimiz, qoǵamnyń túrli top ókilderin saılaýaldy baǵdarlamalary qyzyqtyratyny kórinip tur. Sondyqtan bul saılaý Qazaqstandaǵy saıası mádenıetti jetildirýdiń belgili bir kezeńi boldy deýge tolyq negiz bar».
«Bıylǵy saılaýaldy naýqanynda tarapynan eshqandaı «qara PR» sharalary qoldanylǵan joq. Munyń ózi elimizdegi saıası mádenıettiń kóterilip kele jatqanyn kórsetedi», - deıdi taǵy bir saıasattanýshy Jarqyn Túsipbekuly.
