Saılaýaldy kampanııalarda kútpegen oqıǵalar bolýy múmkin - Danııar Áshimbaev

ALMATY. QazAqparat - Qazaqstan bıografııalyq entsıklopedııasynyń bas redaktory, saıasattanýshy Danııar Áshimbaev aldaǵy Prezıdent saılaýyna qatysty pikir bildirdi, dep habarlaıdy QazAqparat tilshisi.

Onyń aıtýynsha, bıylǵy kezekten tys saılaýdyń eń basty ereksheligi - barynsha kóp kandıdattyń tirkelýinde.

«Prezıdent saılaýyna túrli saıası baǵyttardyń adamdary túsip otyr. Máselen, Nur Otan partııasy atynan Qasym-Jomart Toqaev, kommýnıstik partııa atynan Jambyl Ahmetbekov túsedi. Tarıhta birinshi ret prezıdent saılaýyna áıel adam Danııa Espaeva túspek. Aýyl partııasy atynan Tóleýtaı Rahymbekov bar. Partııa atynan túskenderde ákimshilik jáne uıymdastyrýshylyq resýrs bar. Al qoǵamdyq birlestikterdiń atynan túsetinderge bul jaǵy qıyndyq týǵyzýy múmkin. Kásipodaqtar atynan túsip otyrǵan Amangeldi Táspıhov pen Ámirjan Qosanov, Sádi-bek Túgel bar. Biraq alda saılaýaldy naýqan kele jatyr, onyń qalaı bolatyn tek sol kezde naqty kóre alamyz. Alaıda bul naýqan - kandıdattardyń ózderi týraly ashyq aıtyp, qoǵamǵa jan-jaqty tanylýǵa tamasha múmkindik», - dedi Danııar Áshimbaev.