Saılaýaldy baǵdarlama ózekti máselelerdi sheshedi

AQTAÝ. QazAqparat - Búgin «Amanat» partııasy Mańǵystaý oblystyq fılıalynyń tóraǵasy Nurbek Qarasaev, oblystyq máslıhat depýtattyǵyna úmitkerler Dmıtrıı Donskıh, Raýshan Aımurzaeva jáne Isa Bımyrza «Keme jabdyqtary jáne servıs» JShS mekemesine baryp, ujymmen kezdesti, dep habarlaıdy QazAqparat.

Basqosýda kandıdattar jumysshylarǵa partııanyń saılaýaldy baǵdarlamasyn túsindirip, aldaǵy saılaýdyń mańyzyna toqtaldy.

- Partııanyń saılaýaldy baǵdarlamasy qundylyqtarymyzdy, basymdyqtarymyz ben prıntsıpterimizdi kórsetedi. «AMANAT» partııasynyń saılaýaldy baǵdarlamasy - árbir turǵynnyń ál-aýqatyn arttyrý boıynsha naqty ister baǵdarlamasy! Saılaýaldy ýádelerdi oryndaý nátıjesinde ınjenerlik-kommýnıkatsııalyq, turǵyn úı jáne jol ınfraqurylymynyń ózekti máseleleri sheshiledi, medıtsınalyq qyzmet kórsetý, bilim berý jáne basqa da salalardyń sapasy jaqsarady. Bizdiń maqsatymyz - halyqtyń ál-aýqatyn arttyrý. Saılaýaldy baǵdarlamany iske asyrý arqyly biz óńirimizdiń damýyna jáne azamattarymyzdyń ómir súrý sapasyn jaqsartýǵa qol jetkizetin bolamyz. Bizge saılaýdyń ashyqtyq, adal kúres jáne básekelestik jaǵdaıynda ótýi mańyzdy. Sondyqtan barshańyzdy daýys berýge shaqyramyn,-dedi Nurbek Qarasaev.

Kezdesýde jumysshylar jalaqy, turǵyn úı máselesin kóterdi.

- Bizdiń óńirde ekonomıkanyń balamaly sektorlaryn, onyń ishinde óńdeý ónerkásibin, týrızmdi jáne kólikti damytý oblys ekonomıkasyn jańa deńgeıge kóterýge múmkindik beredi. Sonǵan sáıkes partııa azamattardyń da tabysyn arttyrýǵa arnalǵan birneshe jobalardy josparǵa engizdi,-dedi úmitker Raýshan Aımurzaeva.

Mańǵystaý oblystyq máslıhaty depýtattarynyń saılaýynda partııalyq tizimdi usynǵan «AMANAT» partııasy saılaý qorynyń qarajatynan tólendi.