Saılaý: Juldyzdar de belsendi daýys berýde
ASTANA. QazAqparat - QR Ortalyq saılaý komıssııasynyń málimetine qaraǵanda, QR Parlamenti Májilisiniń jáne barlyq deńgeıdegi máslıhattarynyń saılaýyna halyqtyń belsendiligi joǵary.
Búgin saǵat 16-00-degi jaǵdaı boıynsha Qazaqstan azamattarynyń 71,78 paıyzy daýys bergen.
Sonymen qatar, elimizdegi mańyzdy saıası oqıǵadan otandyq estrada jáne sport juldyzdary da shet qalmady. Olar ózderiniń áleýmettik jelidegi jeke paraqshalarynda pikirlerin bildirip, fotolaryn jarııalap jatyr. Máselen, Olımpıada chempıony, áıgili veloshabandoz Aleksandr Vınokýrov Instagramdaǵy jeke paraqshasynda óziniń konstıtýtsııalyq quqyǵyn júzege asyryp, tańdaýyn jasaǵanyn rastaıdy. «268 saılaý ýchaskesinde daýys berip, azamattyq boryshymdy atqardym! Barshańyzdy saılaýǵa qatysyp, daýys berýge shaqyramyn. Bolashaǵymyzdyń jarqyn bolýy óz qolymyzda! Men búgin birlik, turaqtylyq pen jasampazdyq úshin tańdaý jasadym!», - dep jazdy A. Vınokýrov.
Al qazaqstandyq tanymal boksshy Serik Sápıev Astanadaǵy 89-saılaý ýchaskesinde óz daýysyn berip, tańdaýyn jasaǵan. «Kóterińki kóńil-kúımen keldim. Túske deıin adam kóp bolady, sondyqtan ádette ylǵı tústen keıin daýys beremin. Men jarqyn bolashaǵymyz úshin daýys berdim», - dep jazady boksshy Serik Sápıev.
Al Májilis depýtattyǵyna kandıdattyń biri ánshi Qaırat Nurtas ta óz tańdaýyn jasap, konstıtýtsııalyq quqyǵyn júzege asyrǵan. Ol ınstgramdaǵy jeke paraqshasynda saılaýǵa daýys berip jatqan sátin sýretke túsirip jarııalaǵan.
