Saılaý joǵary demokratııalyq talaptarǵa saı ótti - professor I.Zenkevıch
ALMATY. 4 sáýir. QazAqparat /Áıgerim Ámir/ - QR Prezıdentiniń kezekten tys saılaýy joǵary demokratııalyq talaptarǵa saı ótti.
Bul týraly búgin Almatyda ótken «Zańgerler ádiletti saılaý úshin» respýblıkalyq qoǵamdyq birlestiginiń saılaýǵa qatysty qorytyndy esebinde D.Qonaev atyndaǵy qylmystyq-quqyqtyq tártip kafedrasynyń professory I.Zenkevıch aıtty.
«Men Medeý aýdanyna qarasty № 345-shi saılaý ýchaskesinde táýelsiz baqylaýshy retinde óz mindetimdi atqardym. Bul jerdegi ýchaskige qaraıtyn turǵyndar ár túrli ult ókilderi. Aıtatyn bolsam qazaqtar, uıǵyrlar, slavıandar, tatarlar jáne taǵy da basqa ult ókilderi bar. Tizim boıynsha munda 2 777 saılaýshy tirkelgen. Meni qatty tań qaldyrǵany, saılaýǵa 2 748 adamnyń qatysqany boldy. ıAǵnı, saılaýshylardyń 98,6 paıyzy qoǵamdyq-saıası mańyzdy dúnıege beı-jaı qaramaıtyndyǵyn kórsetti. Maǵan «Zańgerler ádiletti saılaý úshin» respýblıkalyq qoǵamdyq birlestiginiń múshesi ekenimdi bilgen adamdar kelip zańgerlerge senetinderin bildirdi. Olardan Elbasy N.Nazarbaevqa degen úlken qoldaýdy kórdim. Elbasyna degen senimderi óte joǵary. Osy tusta N.Nazarbaevtyń ulttar arasyndaǵy turaqtylyqty saıası turǵydan jaqsy qalyptastyrǵany baıqaldy. Meniń, qosatynym saılaý ashyq túrde ádil ótti. Barlyǵy zań talaptaryna saı júrgizildi. Saılaý joǵary demokratııalyq talaptarǵa saı ótti» - deıdi D.Qonaev atyndaǵy qylmystyq-quqyqtyq tártip kafedrasynyń professory I.Zenkevıch.
Atalmysh birlestik 2005 jyly 25 tamyzda Qazaqstanda demokratııalyq jáne quqyqty memleketti qurý maqsatynda belgili qazaqstandyq ǵylym-zańgerler jáne tájirıbeshilerdiń usynystary boıynsha qurylǵan.
«Zańgerler ádiletti saılaý úshin» respýblıkalyq qoǵamdyq birlestigi - ózin-ózi basqaratyn erikti saıası jáne kommertsııalyq emes qoǵamdyq birlestik.
Qoǵamdyq birlestiktiń músheleri elimizdiń barlyq qalalarynda óz mindetterin atqardy. Olardyń aıtýynsha Almaty, Astana, Qaraǵandy, Taldyqorǵan, Taraz jáne Almaty oblysynyń turǵyndary kezekten tys QR Prezıdenttik saılaýyna belsendi túrde at salysqan.
Jalpy, saılaý ýchaskelerinde táýelsiz baqylaýshylar retinde D.A.Qonaev atyndaǵy Ýnıversıtet, Ál-Farabı atyndaǵy QazUÝ, Taldyqorǵan qalasyndaǵy A.Joldasbekov atyndaǵy ekonomıka jáne quqyq akademııasy, E.A.Bóketov atyndaǵy Qaraǵandy memlekettik ýnıversıteti, H.Dýlatı atyndaǵy Taraz ýnıversıteti, Astana qalasyndaǵy D.A.Qonaev atyndaǵy kolledj sııaqty oqý ornynyń professor-oqytýshylar quramy úlken jumys atqardy.
