Saılaý: Jıgýlı Daırabaev daýys berýge keldi

ASTANA. QazAqparat – QR Prezıdenttigine úmitker Jıgýlı Daırabaev daýys berýge keldi, dep habarlaıdy QazAqparat tilshisi.

Kandıdat daýys berýge tańǵy 7:00-de Túrkistan kóshesinde ornalasqan 396 saılaý ýchaskesine keldi. Onyń qasynda jubaıy jáne balalary jáne týystary boldy.

Aıta keteıik, QR Prezıdenttigine kandıdat Jıgýlı Daırabaev saılaýǵa «Aýyl» halyqtyq-demokratııalyq patrıottyq partııasy atynan tústi.

Jıgýlı Daırabaev bastaǵan top ókilderi Jambyl, Túrkistan, Qyzylorda, Aqtóbe, Aqmola, Qaraǵandy, Pavlodar, Jetisý, Almaty, ShQO, Abaı, Mańǵystaý, Batys Qazaqstan oblystarynyń saılaýshylarmen kezdesken edi.