Saılaý - jetistikterimizdi odan ári baıandy etýge baǵyttalǵan qadam - M. Ábenov

ASTANA. QazAqparat - Saılaý - jetistikterimizdi odan ári baıandy etýge baǵyttalǵan qadam. Búgin Astanada "Amanat" zııatkerlik pikirsaıys klýbynyń otyrysynda "Órleý" qoǵamdyq uıymynyń dırektorlar keńesiniń tóraǵasy Murat Ábenov osyndaı pikir bildirdi.

"Biz úlken tańdaýdyń aldynda turmyz. Osy jetistikpen qalaıyq, ary qaraı ózgeris jasamaıyq deıtin bolsaq, eski nárse ózgermeı qalýy yqtımal. Al eger biz órkendi damý jolyn tańdaıtyn bolsaq, búkil álem bir-birimen básekeles bolyp jatqanda, osyndaı tyǵyryqtan shyǵyp ketemiz deıtin bolsaq, onda tez arada saılaýdy ótkizip, ary qaraı birge jumylyp, úlken sharýalardy atqarýymyz kerek", - deıdi M. Ábenov.

Onyń sózine qaraǵanda, saılaý - Qazaqstan halqyn jańa ekonomıkalyq bastamalarǵa jumyldyrý úshin qajet.

"Álemde bolyp jatqan geosaıası tartystar, ekonomıkalyq daǵdarys ýaqytsha emes, ol uzaqqa sozylatynyn bilemiz. Burynǵy talappen jáne qarqynmen júretin bolsaq, básekelestikten de, úlken jetistikterden de qalyp qoıamyz. Ekonomıkalyq jáne saıası turaqtylyǵymyzdy baıandy ete túsýimiz shart", - dep atap ótti ol.

Eske sala ketsek, 14 aqpanda Qazaqstan halqy Assambleıasy elde kezekten tys Prezıdent saılaýyn ótkizý jóninde usynys tastaǵan bolatyn. Búginde el Parlamenti jáne saıası qaıratkerler men partııalar bul bastamany qoldap otyr.