Saılaý jeti jyldyń ǵana taǵdyryn sheshpeıdi - Smaǵul Elýbaı

ALMATY. QazAqparat - Almatynyń №301 saılaý ýchaskesinde QR eńbek sińirgen qaıratkeri, jazýshy, kınodramatýrg Smaǵul Elýbaı óz tańdaýyn jasady, dep habarlaıdy QazAqparat tilshisi.

Smaǵul Elýbaıdyń aıtýynsha, búgingi saılaý el taǵdyry úshin óte mańyzdy.

«Búgin biz Qazaqstandy jeti jyl basqaratyn prezıdentti óz qolymyzben saılap jatyrmyz. Bul shyntýaıtyna kelgende, tek qana kelesi jeti jyldyń taǵdyryn sheshpeıdi. Qazaqstannyń jalpy budan keıingi taǵdyryn sheshýi ábden múmkin», - dedi jazýshy.

Eske salaıyq, Almatyda 600 saılaý ýchaskesi jumys istep tur. Qalada 1 mıllıon 176 myńnan astam adam daýys bere alady. Al turǵylyqty tirkeýi joq azamattar úshin 55 daýys berý ýchaskesi jumys isteıdi.