Saılaý zańnamasynyń buzylýyna baılanysy shaǵymdar kidirissiz qaralýy tıis - Q.Mámı
Q.Mámı óz sózinde aǵymdaǵy jyldyń 20 naýryzynda bolatyn Parlament Májilisi depýtattarynyń merziminen buryn saılaýyna, sonymen qatar máslıhat depýtattary saılaýyna basa nazar aýdardy. Saılaý zańnamasynyń buzylýyna baılanysty barlyq shaǵymdar men ótinishterdi sottar qysqa merzimde nemese kidirissiz qaraýdy qamtamasyz etýge mindetti ekendigin erekshe atap ótti. Osy rette Joǵarǵy sot sýdıalary men oblystyq sottardyń tóraǵalary aldyna aldaǵy elektoraldyq kezeńde sottardyń jumysyn joǵary deńgeıde qamtamasyz etý mindeti qoıyldy.
Sonymen qatar Joǵarǵy sot tóraǵasy aǵymdaǵy jylǵy mindetterdi aıqyndaı kele, sapaly sýdıalyq korpýsty qalyptastyrý máselelerine aıryqsha nazar aýdaryp ótti.
«Sot tóreligin joǵary adamgershilik qaǵıdattary bar, eń laıyqty kásibı mamandar iske asyrýa tıis ári asyrady da. Osyǵan baılanysty Joǵarǵy sot keńesi túbegeıli reformalandy. Sot tóreligi ınstıtýtyn Joǵarǵy sottyń qaramaǵyna berý máseleleri zańnamalyq deńgeıde sheshildi», - dep atap ótti ol.
