Saılaý zańnamasyn buzý faktileri tirkelgen joq - M.Demeýov

ASTANA. QazAqparat - Kezekten tys QR prezıdenti saılaý barysynda zańnamanyń buzý faktileri tirkelgen joq. Bul týraly búgin QR Ortalyq saılaý komıssııasynda ótken brıfıngte QR Іshki ister mınıstriniń birinshi orynbasary Marat Demeýov aıtty.

«Saılaý naýqany qalypty jaǵdaıda ótýde. Saılaý zańnamasyn buzý faktileri oryn alǵan joq. Zańǵa sáıkes, 26 sáýir quqyq qorǵaý organdary úshin jumys kúni. Sebebi, ishki ister organdary qoǵamdyq tártip pen qaýipsizdikti qamtamasyz etýge jaýapty», - dedi ol.

Birinshi vıtse-mınıstrdiń atap ótýinshe, quqyq qorǵaý organdary saılaý ýchaskelerinde zańǵa qaıshy áreketter boldyrmaý maqsatynda birqatar sharalardy atqarǵan.

«22-28 sáýir aralyǵynda Іshki ister organdary arnaıy kestege saı jumys isteıdi. Іshki ister organdary men Ulttyq ulan, kúsh-qýat qurylymdary esepke alyndy. Jeke quramynda ornalastyrý boıynsha naqty jospar jasaldy. Іshki ister mınıstrligi men Іshki ister departamentindegi kúsh-qýat qurylymdaryn úılestirý úshin arnaıy shtabtar quryldy», - dedi ol.

M.Demeýovtiń atap ótýinshe, munan bólek, jergilikti atqarýshy organdarmen, aýmaqtyq saılaý komıssııalarymen ortaq sharalar qolǵa alynǵan.

«Saılaý ýchaskelerinde órt qaýipsizdik talaptary men qujattardy saqtaý jaǵdaıyn tekserdik. Qalalyq, aýdandyq organdarda eki-úsh mobıldik jedel tergeý toptary qurylyp, quramyna prokýratýra qyzmetkerleri de tartyldy. Búgin barlyq aımaqta qosymsha kúshter tartý arqyly patrýldik jasaqtardyń sany artty. Olardyń bir bóligin saılaý ýchaskelerine bekittik. Biz bıýlletender ákelgen sátten bastap, jeke kúzetke alyp, ýchaskelerdiń qaýipisizdigin qamtamasyz etip otyrmyz», - dedi birinshi vıtse-mınıstr.