Saılaý ýchaskesine qazaqy kıimmen kelgen Galına Fedorova baýyrsaq taratty

TÚRKІSTAN. QazAqparat – Túrkistan oblysy Kentaý qalasynyń turǵyny Galına Fedorova saılaý ýchaskesine qyzymen birge qazaqy kıim kıip keldi, dep habarlaıdy QazAqparat tilshisi.

Ata-túrik atyndaǵy №4 mekteptegi 46-shy saılaý ýchaskesine Galına Fedorova qyzymen birge qazaqy ulttyq kıimmen kelip, óz tańdaýyn jasady. Olar saılaýshylar men daýys berý ýchaskesiniń múshelerine óz qoldarymen pisirgen baýyrsaq pen bálish úlestirdi.

«Elimizdiń jarqyn bolashaǵy úshin saılaýda óz tańdaýymdy jasadym. Bul kún mereke bolǵandyqtan sándi kıim kıip keldim. Elimizde tynyshtyq bolsyn dep tileımin», - deıdi kentaýlyq arý.
Kentaý qalasynyń turǵyndary kezekten tys prezıdent saılaýynda belsendi daýys berip jatyr. Eldiń erteńine úlken senimmen qaraıtyn turǵyndar bul kúndi merekege teńeıdi. Barlyq saılaý ýchaskelerinde halyqqa barlyq jaǵdaı jasalǵan.

Vıdeodan alynǵan kadr