Saılaý ýchaskelerine kelip jatqan halyqtyń kóńil-kúıi kóterińki - halyqaralyq baıqaýshylar
Astana qalasyndaǵy №111 saılaý ýchaskesinde TMD-ǵa múshe memleketterdiń Parlamentaralyq assambleıasynyń bir top baıqaýshysy daýys berý barysyn baqylaýda.
«Saılaý ýchaskelerinde tańerteńnen merekelik kóńil-kúı baıqalady. Daýys berýshilerdiń belsendiligi baıqalady. Tańerteń biz saılaý ýchaskesine kelgende adamdardyń qarasy kóp boldy. Bul azamattyq belsendiliktiń belgisi. Saılaý ýchaskeleri Qazaqstan Respýblıkasynyń zańnamalary men halyqaralyq standarttarǵa sáıkes jumys istep jatyr. Saılaý aldynda ýchaskeler resmı túrde ashylyp, ánuran oryndaldy. Daýys berý ýaqytyly bastaldy», - deıdi TMD-ǵa múshe memleketterdiń Parlamentaralyq assambleıasynyń halyqaralyq baıqaýshy Dılrabo Mansýrı BAQ ókilderiniń suraǵyna jaýap bere turyp.
Onyń aıtýynsha, saılaý ýchaskesinde ázirge zańbuzýshylyq anyqtalǵan joq.
«Daýys berý kabınalary tártipke saı uıymdastyrylǵan. Sonymen qatar múmkindigi shekteýli jáne múgedek jandarǵa da jaǵdaı jasalǵan. Saılaýdy sońyna deıin baqylaımyz», - deıdi ol.
Buǵan deıin TMD-ǵa múshe memleketterdiń Parlamentaralyq assambleıasynyń baıqaýshylary saılaý barysyna qatysty pikir bildirgen edi.
