Saılaý ýchaskelerindegi daýys berý úderisi ashyq ótip jatyr, barlyǵy qamtylǵan - AQSh eks-kongresmeni S.Stokman
ASTANA. QazAqparat - Qazaqstandaǵy saılaý barysynda meni saılaý ýchaskelerindegi uzyn-sonar kezek tańǵaldyrdy. Búgin elimizde ótip jatqan kezekten tys Prezıdent saılaýyna oraı ótken baspasóz máslıhatynda AQSh baıqaýshylar mıssııasynyń ókili, eks-kongressmen Stıven Stokman osylaı málimdedi.
«Búgin Astanadaǵy birqatar saılaý ýchaskelerin araladym, saılaý úderisin baıqap kórdim. Maǵan bul asa qyzyq áser qaldyrdy. Men Ýkraınadaǵy saılaýda eki márte, sosyn AQSh-ta baıqaýshy bolyp kórgenmin. Al qazaqstanda tańǵalǵanym, munda ýchaskelerde uzyn-sonar kezek. Saılaý kúni bári keremet uıymdastyryldy. Bul kúni jurt demalyp, saılaý ýchaskelerine baryp, daýys berýge jaǵdaılar jasalǵan», - dedi Stıven Stokman jýrnalıstermen ótken brıfıngte.
Onyń aıtýynsha, AQSh baıqaýshylar mıssııasynyń saılaý ýchaskelerine tolyq qoljetimdiligi qamtylǵan. Baıqaýshylar ózderi aldyn-ala eskertpesten birqatar saılaý ýchaskelerin aralap, qoıǵan suraqtaryna naqty jaýap alǵan eken. «Jalpy alǵanda saılaý ýchaskelerindegi daýys berý úderisi ashyq ótýde, barlyǵy qamtylǵan», - dedi ol.
