Saılaý ýchaskelerinde sanıtarlyq talaptar saqtalýy tıis - komıtet

ASTANA. QazAqparat – Sanıtarııalyq-epıdemıologııalyq baqylaý komıteti saılaý kúni qarsańynda juqpaly aýrýlardan qorǵaný sharalaryn eske saldy, dep habarlaıdy QazAqparat.

Epıdemıologııalyq jaǵdaıdyń nasharlaýyn boldyrmaý maqsatynda mynadaı aldyn alý sharalaryn saqtaý usynylady:

- bir adamǵa keminde 4 sh.m. esebinen úı-jaıdyń tolymdylyǵyn eskere otyryp, olardyń toptalyp jınalýyna jol bermeı, saılaý protsesine qatysýshylardyń aǵynyn retteý;

- jeldetý/aýany baptaý júıesiniń úzdiksiz jumys isteýi nemese daýys berý bastalar aldynda jáne qajet bolǵan jaǵdaıda kúni boıy úı-jaıdy turaqty jeldetý;

- daýys berý bastalar aldynda jáne qajet bolǵan jaǵdaıda kúni boıy jýý quraldaryn qoldana otyryp, úı-jaılardy jáne barlyq jumys oryndaryn dezınfektsııalaý arqyly ylǵaldy jınaý júrgizý.

Aıta ketsek, 19 naýryz kúni elimizde Parlament Májilisi men máslıhattar depýtattarynyń saılaýy ótedi.

Buǵan deıin Densaýlyq saqtaý vıtse-mınıstri – Bas memlekettik sanıtarııalyq dáriger Aıjan Esmaǵambetova daýys berýshilerge masqa taǵý usynylatynyn aıtqan edi.