Saılaý ýchaskelerinde daýys berý úderisteri óte jaqsy uıymdastyrylǵan - Grekııa baıqaýshylary
ANA. 3 sáýir. QazAqparat /Gúlmıra Álıakparova/ - Saıla ýchaskelerindegi daýys berý úderisteri óte jaqsy uıymdastyrylǵan. Alaıda saılaý ýchaskelerinde prezıdenttikke kandıdattardyń keıbiriniń senimdi ókilderi bolmaǵandyǵy tań qaldyrdy.
Búgin elimizde ótip jatqan QR Prezıdentiniń kezekten tys saılaýyna oraı BAQ ókilderi úshin Astanada uıymdastyrylǵan baspasóz máslıhatyn Grekııa eliniń baıqaýshysy, «European Profiles» kompanııasynyń keńesshisi Stefano Aýgleas osylaı aıtty.
Grekııa Respýblıkasynyń ókilderi Qazaqstanda QR Prezıdentiniń kezekten tys saılaýynyń ótý barysyn baqylaý maqsatynda tańerteńgi saǵat 10-nan bastap 20-ǵa jýyq saılaý ýchaskesinde bolyp, ózderiniń oı-tujyrymdarymen bólisti.
Grekııadaǵy Amerıka kolledjiniń dıplomatııalyq jáne jahandyq qarym-qatynastar ınstıtýtynyń rektory Andreas Andrıanopýlos atap kórsetkendeı, saılaý ýchaskelerin aralaý barysynda saılaý zańnamasyn aıtarlyqtaı buzý faktileri oryn alǵan joq.
«Ýchaskelerde daýys berý úderisteri óte jaqsy uıymdastyrylǵan. Saılaý komıssııasynyń ár qyzmetkeri óz ornynda. Sondaı-aq biz, árbir saılaý ýchaskesinde el prezıdenttigine úmitkerlerdiń múddesine ókildik etpeıtin ózge saıası partııalardyń ókilderi bolǵandyǵyn baıqadyq. Biz ýchaskelerdegi basqa baıqaýshylarmen suhbattasyp, olardyń daýys berý úderisi týraly, zań buzýshylyqtardyń oryn alý- almaýy týraly pikirlerin de bildik. Estigen jaýaptarymyz: «Saılaý talaptarǵa saı ótip jatyr» degenge saıdy», - dedi ol.
Daýys berýshilerge toqtalǵan A.Andrıanopýlos, túski saǵat 13.30-ǵa deıin olardyń saılaý ýchaskelerine kelý belsendigi tómen bolǵandyǵyn aıtty. «Soǵan qaramastan, saılaýshylardyń 40-50 paıyzy daýys berip qoıdy», - dedi ol. Onyń sózine qaraǵanda, 16.30-dan bastap elordalyqtardyń belsendiligi artyp, keıbir ýchaskelerde olardyń tipti kezekte turýyna týra keldi. «Paıymdaýymsha, saılaý ýchaskeleriniń jabylýyna qaraı azamattardyń legi odan saıyn arta túsedi», - dep túıindedi ol.
Óz kezeginde S.Aýgleas, áriptesimen birge aralaǵan saılaý ýchaskelerinde el prezıdenttigine kandıdattardyń keıbiriniń senimdi ókilderi bolmaǵandyǵy tań qaldyrǵanyn aıtty.
