Saılaý ýchaskeleri daýys berý kúnine daıyn jáne olardyń qyzmeti OSK-nyń jiti qadaǵalaýynda - B.Meldeshov
ANA. 1 sáýir. QazAqparat /Aıdar Ospanalıev/ - «Kezekten tys Prezıdent saılaýyna nebári 2 kún qaldy. Búgin Prezıdenttikke kanıdattar úgit-nasıhat sharalaryn júrgizetin sońǵy kúni.
Al erteńnen bastap eldegi barlyq ýchaskelik saılaý komıssııalary ózderiniń atqaratyn jumystaryn taǵy bir pysyqtap alyp, daýys berý kúnine daıyndalady»,-dedi búgin Ortalyq saılaý komıssııasynyń hatshysy Baqyt Meldeshov jýrnalısterge bergen suhbatynda.
OSK hatshysynyń sózine qaraǵanda, elimizdegi barlyq ýchaskelik saılaý komıssııalary saqadaı saı otyr. Saılaý ýchaskelerinde barlyq qajetti apparatýralar men málimetter ornalastaryldy. «Sáýirdiń
3-i kúni barlyq saılaý ýchaskeleri ashylyp, daýys berýmen baılanysty sharalardy júzege asyrýǵa kirisedi. Saılaý ýchaskeleri daýys berýge 1 saǵat qalǵan kezde baıqaýshylardyń qatysýymen ashylady. Barlyq saılaý ýchaskeleri daýys berý kúnine daıyn. Biz bul baǵyttaǵy jumystardyń barlyǵyn qadaǵalap otyrmyz. Biz qazir elimizdiń barlyq aımaqtarymen baılanystamyz. Osy ýaqytta barlyq saılaý ýchaskelerine daýys berý bıýlletenderi de, bıýlletender salynatyn jáshikter de jetkizildi»,-dedi OSK hatshysy.
