Saılaý ýchaskeleri Quryltaı depýtattary saılaýyn ótkizýge daıyn - Ábdirov
ASTANA. KAZINFORM – Elimizdegi barlyq saılaý ýchaskesi Quryltaı depýtattary saılaýyn ótkizýge daıyn. Bul týraly Ortalyq saılaý komıssııasynyń tóraǵasy Nurlan Ábdirov málim etti.
- Aýmaqtyq saılaý komıssııalarynyń búgin usynǵan esepterin qorytyndylaı kele, saılaýǵa daıyndyq boıynsha negizgi uıymdastyrýshylyq jáne praktıkalyq jumystarynyń oryndalǵanyn atap ótkim keledi. Jalpy, aýmaqtyq saılaý komıssııalarynyń aqparatyna sáıkes respýblıka boıynsha barlyq saılaý ýchaskeleri daýys berý kúnine daıyn. Onyń ishinde múgedektigi bar azamattardyń saılaý quqyqtaryn júzege asyrý úshin qajetti jaǵdaılar da qamtamasyz etildi, - dedi ol komıssııa otyrysynda.
Osy rette Nurlan Ábdirov jergilikti atqarýshy organdardyń ókilderin, ákim apparattarynyń basshylaryn saılaý ýchaskeleriniń uıymdastyrýshylyq-tehnıkalyq qamtamasyz etilýine baılanysty qalǵan máselelerdi tolyq aıaqtap, olardyń turaqty jumys isteýine qajetti jaǵdaılardy qamtamasyz etýge shaqyrdy.
- Aýmaqtyq saılaý komıssııalarynyń basshylary, daıyndyqtyń negizgi kezeńi aıaqtalǵanmen, qalǵan máseleler men buryn berilgen tapsyrmalardyń oryndalýyn baqylaýdan shyǵarmańyzdar. Zańnamada sizderge berilgen ókilettikter aıasynda osy jumysty tıisti deńgeıde úılestirip, daýys berý rásiminiń joǵary deńgeıde uıymdastyrylýyn qamtamasyz etýdi suraımyn. Endigi basty mindet — atqarylǵan aýqymdy jumysty zań talaptaryna sáıkes ashyq ári uıymdasqan túrde ótkiziletin daýys berý protsesimen qamtamasyz etý, - dedi OSK tóraǵasy.
Aıta keteıik, Quryltaı depýtattaryn saılaý barysyn 777 halyqaralyq baıqaýshy qadaǵalaıdy. Onyń ishinde 160 baıqaýshy 42 shet memleketten, al 617 baıqaýshy 13 halyqaralyq uıymnan tirkelgen.
