Saılaý týraly jańa zańnyń artyqshylyǵy nede - Ádilet vıtse-mınıstriniń pikiri
Eske sala ketsek, keshe Memleket basshysy «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna tolyqtyrýlar engizý týraly» Qazaqstan Respýblıkasynyń Konstıtýtsııalyq zańyna qol qoıǵan edi.
Atalmysh zań partııa tiziminde áıelder men jastarǵa 30 paıyzdyq kvota berýdi mindetteıdi.
«Bul ózgeristerge sáıkes máslıhat pen Parlament depýtattarynyń saılaýyna tiziminde jastar men áıelder bar saıası partııalar ǵana ótkiziledi. Statıstıka boıynsha Qazaqstanda ekonomıkalyq sıpatta belsendi 4,5 mln adam men 20-29 jastaǵy 2,8 mln jas bar. Qazirgi tańda máselen Parlamentte áıel-depýtattardyń úlesi 22 paıyz. Al jasy 29-ǵa deıingi jastar Parlamentte joq», - dedi Natalıa Pan OKQ-da ótken baspasóz máslıhatynda.
Ol álemdegi memleketterdiń kóbi áıelder men jastardy saılaý protsesine belsendi túrde tartyp jatqanyn aıtyp ótti.
«Álemdik tájirıbede mundaı yntalandyrý kvotalary keńinen qoldanylady. Halyqtyń qoǵamdyq sıpatta belsendi bóligi retinde jastar men áıelderde áleýmettik jáne saıası áleýet baryn atap ótý kerek. Osyǵan baılanysty usynylǵan zańnamalyq normalar áıelder men jastardy eldiń saıası-qoǵamdyq ómirine aralastyrýǵa qosymsha quqyqtyq shart jasaıdy», - dedi ol.
