Saılaý týraly zańǵa ózgerister men tolyqtyrýlar engizildi

Qazaqstan Respýblıkasynyń Konstıtýtsııalyq zańy

1-bap. Qazaqstan Respýblıkasynyń myna zańnamalyq aktilerine ózgerister men tolyqtyrýlar engizilsin:
1. «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasynyń Konstıtýtsııalyq zańyna (Qazaqstan Respýblıkasy Joǵarǵy Keńesiniń Jarshysy, 1995 j., № 17-18, 114-qujat; Qazaqstan Respýblıkasy Parlamentiniń Jarshysy, 1997 j., № 12, 192-qujat; 1998 j., № 7-8, 71-qujat; № 22, 290-qujat; 1999 j., № 10, 340-qujat; № 15, 593-qujat; 2004 j., № 7, 45-qujat; 2005 j., №7-8, 17-qujat; 2006 j., № 23, 138-qujat; 2007 j., № 12, 85-qujat; 2009 j., № 2-3, 5-qujat; 2010 j., № 11, 55-qujat; 2011 j., № 3, 30-qujat):
1) 69-baptyń 3-tarmaǵy mynadaı mazmundaǵy ekinshi bólikpen tolyqtyrylsyn:
«Respýblıka Prezıdentiniń Parlamentti taratý týraly aktisi qoldanysqa engizilgen kún depýtattardyń kezekten tys saılaýy ótkizilýge tıis merzimniń bastalý kezi bolyp tabylady. Bul merzim eki aı ótken soń aıaqtalady. Eger merzimniń aıaqtalýy tıisti kún sany joq aıǵa týra keletin bolsa, onda merzim osy aıdyń sońǵy kúninde aıaqtalady.»;
2) 85-baptyń 3-tarmaǵy mynadaı mazmundaǵy ekinshi bólikpen tolyqtyrylsyn:
«Respýblıka Prezıdentiniń Parlamentti nemese Parlament Májilisin taratý týraly aktisi qoldanysqa engizilgen kún depýtattardyń kezekten tys saılaýy ótkizilýge tıis merzimniń bastalý kezi bolyp tabylady. Bul merzim
eki aı ótken soń aıaqtalady. Eger merzimniń aıaqtalýy tıisti kún sany joq aıǵa týra keletin bolsa, onda merzim osy aıdyń sońǵy kúninde aıaqtalady.».
2. «Qazaqstan Respýblıkasynyń Parlamenti jáne onyń depýtattarynyń mártebesi týraly» 1995 jylǵy 16 qazandaǵy Qazaqstan Respýblıkasynyń Konstıtýtsııalyq zańyna (Qazaqstan Respýblıkasy Joǵarǵy Keńesiniń Jarshysy, 1995 j., № 21, 124-qujat; Qazaqstan Respýblıkasy Parlamentiniń Jarshysy, 1997 j., № 7, 78-qujat; 1999 j., № 4, 100-qujat; № 10, 342-qujat; 2006 j., № 23, 137-qujat; 2007 j., № 12, 83-qujat):
1) 6-baptyń 4-tarmaǵy mynadaı mazmundaǵy ekinshi bólikpen tolyqtyrylsyn:
«Jumys kúnderi dep demalys nemese mereke (ulttyq jáne memlekettik merekeler) kúnderi bolyp tabylmaıtyn kúnderdi túsiný kerek.»;
2) 18-baptyń 3-tarmaǵy mynadaı mazmundaǵy ekinshi bólikpen tolyqtyrylsyn:
«Jyl» degen ýaqyt kezeńi dep osy tarmaqqa qatysty alǵanda aǵymdaǵy jyldy (1 qańtar - 31 jeltoqsan aralyǵy) túsiný kerek.»;
3) 19-baptyń 2-tarmaǵy mynadaı redaktsııada jazylsyn:
«2. Parlament qabyldaǵan zańdar qabyldanǵan kúninen bastap on kúnniń ishinde Parlament Palatalarynyń árqaısysy Tóraǵasynyń qoldarymen, sondaı-aq eger zań jobasyn Úkimet engizse, Premer-Mınıstrdiń qolymen aldyn ala bekemdelip, Respýblıka Prezıdentiniń qol qoıýyna usynylady, ol Parlament Senaty usynǵan zańǵa bir aı ishinde qol qoıady, ony jarııalaıdy ne zańdy nemese onyń jekelegen baptaryn qaıta talqylaý jáne daýysqa salý úshin Parlamentke qaıtarady. Qazaqstan Respýblıkasy Prezıdentiniń zańdarǵa qol qoıýy úshin beriletin bir aılyq merzim Qazaqstan Respýblıkasynyń Prezıdenti zańdy alǵan kúnnen bastap esepteledi jáne kelesi aıdyń tıisti kúninde (kún sanynda) aıaqtalady. Eger merzimniń aıaqtalýy tıisti kún sany joq aıǵa týra keletin bolsa, onda merzim osy aıdyń sońǵy kúninde aıaqtalady.»;
4) 20-baptyń 1-tarmaǵy mynadaı redaktsııada jazylsyn:
«1. Respýblıka Prezıdentiniń qarsylyǵyn týǵyzǵan zańdar nemese zańnyń baptary boıynsha qaıta talqylaý jáne daýysqa salý bir aı merzim ishinde ótkiziledi, bul merzim qarsylyqtar jiberilgen kúnnen bas­talady jáne kelesi aıdyń tıisti kúninde (kún sanynda) aıaqtalady. Eger merzimniń aıaqtalýy tıisti kún sany joq aıǵa týra keletin bolsa, onda merzim osy aıdyń sońǵy kúninde aıaqtalady. Qazaqstan Respýblıkasy Konstıtýtsııasy 59-babynyń 4-tarmaǵynda jáne 61-babynyń 2-tarmaǵynda kózdelgen jaǵdaılardy qospaǵanda, bir aılyq merzim, eger ol ýaqyty jaǵynan Qazaqstan Respýblıkasy Konstıtýtsııasynyń 59-babynyń 3-tarmaǵynda belgilengen Parlament jumysynyń sessııa ótetin kezeńimen sáıkes kelmeıtin bolsa, úziledi.
Bul merzimniń saqtalmaýy Prezıdent qarsylyqtarynyń qabyldanǵanyn bildiredi.»;
5) 36-baptyń 2-tarmaǵy mynadaı mazmundaǵy ekinshi bólikpen tolyqtyrylsyn:
«Respýblıka Prezıdentiniń Parlamentti nemese Parlament Májilisin taratý týraly aktisi qoldanysqa engizilgen kún kórsetilgen bir jyldyq merzimniń bastalý kezi bolyp tabylady. Bul merzim kelesi jyldyń tıisti aıynda jáne kún sanynda aıaqtalady. Eger merzimniń aıaqtalýy tıisti kún sany joq aıǵa týra keletin bolsa, onda merzim osy aıdyń sońǵy kúninde aıaqtalady.».
3. «Qazaqstan Respýblıkasynyń Konstıtýtsııalyq Keńesi týraly» 1995 jylǵy 29 jeltoqsandaǵy Qazaqstan Respýblıkasynyń Konstıtýtsııalyq zańyna (Qazaqstan Respýblıkasy Joǵarǵy Keńesiniń Jarshysy, 1995 j., № 24, 173-qujat; Qazaqstan Respýblıkasy Parlamentiniń Jarshysy, 2004 j., № 22, 129-qujat; 2008 j., № 10-11, 34-qujat):
24-bap mynadaı redaktsııada jazylsyn:
«24-bap. Konstıtýtsııalyq Keńestiń ótinishterdi qaraý merzimderi Konstıtýtsııalyq Keńes is júrgizýge qabyldanǵan ótinishti kelip túsken kúninen bastap kelesi aıdyń tıisti kúninde (kún sanynda) aıaqtalatyn bir aı ishinde qaraıdy jáne ol boıynsha qorytyndy sheshim shyǵarady. Eger merzimniń aıaqtalýy tıisti kún sany joq aıǵa týra keletin bolsa, onda merzim osy aıdyń sońǵy kúninde aıaqtalady.
Eger máseleni keıinge qaldyrýǵa bolmasa, Respýblıka Prezıdentiniń jazbasha nysanda baıandalǵan talaby boıynsha qorytyndy sheshim qabyldaý úshin beriletin bir aılyq merzim kúntizbelik on kúnge deıin qysqartylýy múmkin.
Konstıtýtsııalyq Keńes bir-birimen ózara baılanysty ótinishterdi bir is júrgizýge biriktirgen jaǵdaıda, qorytyndy sheshim shyǵarý úshin Konstıtýtsııada kózdelgen bir aılyq merzim sońǵy ótinish kelip túsken kúnnen bastap esepteledi.».
2-bap. Osy Konstıtýtsııalyq zań alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti N.NAZARBAEV.