Saılaý týraly zańǵa ózgerister engiziledi - Májilis
ASTANA. 4 qyrkúıek. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasyndaǵy saılaý týraly» QR Konstıtýtsııalyq zańyna ózgerister men tolyqtyrýlar engizý týraly» zań jobasyn óndiriske aldy.
«Atalǵan zań jobasy sottarmen saılaý quqyqtarynyń buzylýy týraly ótinishterdi qaraý tártibin jetildirý sharalary qamtylatyn bolady. Budan bólek, saılaýshylar quqyǵy isteri boıynsha sot sheshimderine appelıatsııalyq shaǵym berý ınstıtýtyn engizý kózdeledi. Osy sanattaǵy isterdi qaraý merzimderi de zań jobasymen naqtylanbaq», - deıdi Májilistiń Zańnama jáne sot-quqyqtyq reforma komıtetiniń tóraǵasy Rahmet Muqashev.
Onyń sózine qaraǵanda, zań jobasynda qaralǵan ózgerister negizinen konstıtýtsııalyq quqyqtardyń qorǵalýyn qamtamasyz etýge septigin tıgizetin bolady.
