Saılaý týraly rolıkter daıyndalmaq
«Osy saılaý naýqynynda kaskadtyq oqytýdy iske asyrý jónindegi keıingi algorıtm mynadaı jospardy kózdeıdi: sáýirdiń sońyna deıin - aýmaqtyq saılaý komıssııalarynyń barlyq jańa múshelerin elektorattyq oqytýdy aıaqtaý; mamyrdyń sońyna deıin - barlyq tizbelengen oqytý túrlerin paıdalana otyryp, ýchaskelik saılaý komıssııalarynyń barlyq múshelerin oqytý. Munan bólek, mamyrda Ortalyq saılaý komıssııasy OSK músheleriniń jáne apparaty qyzmetkerleriniń qatysýymen óńirlerde semınar-keńester uıymdastyratyn bolady», - dedi QR Ortalyq saılaý komıssııasynyń hatshysy Sábıla Mustafına qaýly jobasyn tanystyryp.
Komıssııa hatshysynyń aıtýynsha, osy aptadan bastap OSK saıtynda ýchaskelik jáne aýmaqtyq saılaý komıssııalarynyń múshelerine, halyqaralyq uıymdar men shet memleketterdiń baqylaýshylaryna, sheteldik BAQ ókilderine, QR Prezıdenttigin kandıdattary úmitkerlerine jáne olardyń senim bildirgen adamdary, múmkindigi shekteýli adamdarǵa arnalǵan jańartylǵan ádistemelik quraldar ornalastyrylady. Daýys berýge arnalǵan úı-jaılarda ornalastyrýǵa arnalǵan ádistemelik quraldar men aqparattyq-túsindirý materıaldarynyń baspahanalyq nusqalary óńirlerge jetkiziledi.
«OSK daýys berý kúni saılaý uıymdastyrýshylarynyń jumysy týraly oqytý fılmin daıyndaýǵa tapsyrys berdi, ol ınternet-resýrsta qoljetimdi bolady. Al el aýmaǵynda ınternet joq óńirlerde ornalasqan saılaý komıssııalarynyń qatysýshylary úshin qatty dıskidegi nusqa beriledi. Saılaýshylarmen aqparattyq, túsindirý jáne jumyldyrý sıpatynda jumys isteý úshin úlken kólemdi rolıkter daıyndalýda», - dedi S.Mustafına.
