Saılaý: TMD baıqaýshylar mıssııasy jumysyna kiristi
Bul týraly TMD bas hatshysynyń birinshi orynbasary Leonıd Anfımov aıtty, dep habarlaıdy QazAqparat tilshisi.
«Qazir ǵana Ortalyq saılaý komıssııasynyń tóraǵasy Nurlan Ábdirovpen sóılestim. Bizge saılaý naýqany barysy jaıynda jan-jaqty aqparat berildi. Bul bizdiń Qazaqstandaǵy parlamenttik jáne prezıdenttik saılaýlardy baıqaýshylardyń 17-shi, al jalpy TMD keńistigindegi 120-shy mıssııasy ekendigin atap ótkim keledi», - dedi ol OSK-de ótken brıfıng barysynda.
Onyń atap ótýinshe, mıssııa quramyna TMD memleketteri ókilderinen bólek, TMD-daǵy qatysýshy memleketterdiń parlamentaralyq assambleıasynyń, UQShU parlamenttik assambleıasynyń, Belarýs pen Reseı parlamenttik assambleıasynyń, TMD Atqarýshy komıtetiniń baıqaýshylary kiredi.
«TMD-dan baıqaýshylar mıssııasy músheleriniń jalpy sany shamamen 200 adamdy quraıdy dep boljanady. Búginnen bastap TMD baıqaýshylar mıssııasy Astanada jumysyn bastaıdy», - dedi Leonıd Anfımov.
TMD ókiliniń aıtýynsha, mıssııa jumysy barysynda saıası partııalardyń saılaýaldy shtabtarymen, depýtattyqqa kandıdattarmen birneshe kezdesý ótkizip, barlyq deńgeıdegi saılaý ýchaskesiniń jumysymen tanysýy josparlanǵan.
«Baıqaýshylardyń negizgi toby daýys berýge 2-3 kún qalǵanda, ıaǵnı 16-17 naýryzda Astanaǵa keledi dep kútiledi. Jalpy biz tek Astanada ǵana emes, sonymen birge eldiń ózge de óńirlerinde daýys berý protsesin baıqaıtyn bolamyz», - dedi ol.
