Saılaý taqyrybyndaǵy posterler baıqaýyna 200 eńbek kelip tústi (FOTO)
ALMATY. QazAqparat - «Seniń daýysyń - seniń bolashaǵyń!» atty posterler baıqaýyna 200 jumys kelip tústi. Bul týraly búgin Almatydaǵy baspasóz məslıhaty barysynda baıqaý uıymdastyrýshylary məlim etti.
Atalǵan baıqaý osydan 3 apta buryn bastalǵan bolatyn.
«Maqsatymyz - elimizdegi mańyzdy shara saılaýda ár qazaqstandyqtyń óz tańdaýyn jasaýyna áser etý. 20 naýryzda ótetin Parlament depýtattary men máslıhat depýtattyǵyna saılaýǵa qatysty baıqaý uıymdastyrýdy jón kórip, Ortalyq Kommýnıkatsııalar qyzmetine usynysymyzdy bildirip, qoldaý taptyq. Qazirgi tańda baıqaýǵa jastar óte belsendi qatysyp jatqanyna óte qýanyshtymyz», - dedi «Qalamger - Azamat» jas jýrnalıster qoǵamdyq qorynyń tóraǵasy Aıdar Qyryqpaı.
Uıymdastyrýshylardyń aıtýynsha, 3 aptanyń ishinde baıqaýǵa 200-den astam jumys túsken. Avtorlardyń kóbi 25 jasqa deıingi jastar.
Dızaınerler men programmısterden bólek, shahterler men órt sóndirýshilerden túsken eńbekter bar.
Sharaǵa ótinishter 24 naýryzǵa deıin qabyldanady.
Sondaı-aq, búgin Pavlodar, Atyraý, Jambyl oblysynyń jastary onlaın translıatsııaǵa shyǵyp, saılaý týraly óz oılaryn bildirdi.
Aıta ketý kerek, «Seniń daýysyń - seniń bolashaǵyń!» atty posterler baıqaýy byltyr da ótkizilgen bolatyn.
Byltyrǵa baıqaýda bas júldeni (halyqtyq daýys berý) Almaty qalasynyń turǵyny Erkebulan Qazykenov jeńip aldy.
Al Qazylar tańdaýy nomınatsııasy boıynsha birinshi oryn - Aınur Bokınaǵa berildi (Astana qalasynan), ekinshi orynda Vıktorııa Rezýnova (Pavlodar qalasynan), úshinshi oryndy Saǵıdolla Ahtanov (Almaty qalasynan) ıelendi.
«KAZKA» Qazaqstandyq qaýymdastyq nomınatsııasy boıynsha birinshi orynda -Bekzat Mahambet (Astana qalasynan), ekinshi oryndy Mırjan Muhambetov (Oral qalasynan) alsa, úshinshi oryn - sýretshi Renata Evseevaǵa (Taldyqorǵan qalasynan) buıyrdy.
