Saılaý taqyrybynda 23 myńnan astam materıal jarııalandy - L.Súleımen
ASTANA. QazAqparat - Saılaý taqyrybynda 23 myńnan astam materıal jarııalandy. Bul týraly búgin QR Ortalyq saılaý komıssııasynyń múshesi Lázzat Súleımen málim etti.
«2015 jylǵy 26 naýryzdan 24 sáýirge deıingi kezeńde respýblıkalyq jáne óńirlik BAQ-tarda saılaý taqyryby jóninde 23 105 materıal jarııalandy. Qazaqstan Respýblıkasy Prezıdenttigine kandıdattardyń saılaýaldy qyzmeti 13 379 materıalda jarııa etildi. Olardyń 4946-sy - respýblıkalyq, taǵy 8433-i - óńirlik BAQ-tarda jarııalandy. Bul rette 4876 materıal - Á. Qusaıynovtyń, 5377 - N. Nazarbaevtyń jáne 4905 T. Syzdyqovtyń qyzmetine arnaldy», - dedi ol.
Onyń atap ótýinshe, barlyq kandıdattar teledıdardan on bes mınýttyq, radıodan on mınýttyq sóz sóıleýine, sondaı-aq baspa basylymdarynda eki maqala jarııalaýyna memleket bergen kepildikterdi paıdalandy.
«Jalpy, kandıdattardyń buqaralyq aqparat quraldaryna teń qoljetimdiligi qamtamasyz etildi. Al saılaýshylar Qazaqstan Respýblıkasynyń Prezıdenttigine tirkelgen barlyq kandıdattar týraly tolyq, senimdi jáne shynaıy aqparat alý múmkindigine ıe boldy», - dedi L.Súleımen.
