Saılaý: Taǵy bir kandıdat lıngvıstıkalyq komıssııanyń emtıhanyn tapsyrýdan bas tartty
Synaqty bastamas buryn, Q.Esjanov lıngvıstıkalyq komıssııa músheleriniń jazbasha tizimin berýdi surady. Komıssııa tóraǵasy Myrzataı Joldasbekov bul talapty oryndaýǵa mindetti bolmasa da, tizimdi ákelýge kelisti. Degenmen kandıdat komıssııa múshelerine senim tanytpaıtyndyǵyn málim etip, qazaq tilinen emtıhan tapsyrýdan resmı túrde bas tartty. Aıta keteıik, Qanat Esjanov 2011 jylǵy prezıdenttik saılaýda da baq synap kórgen bolatyn. Alaıda ol kezde memlekettik til bilimine qatysty synaqtan súringen. Onyń oıynsha, "sodan beri lıngvıstıkalyq komıssııa músheleri ózgermegen".
"Sondyqtan onyń obektıvtiligine sene almaımyn. Ekinshiden, meniń oıymsha, 94 myń daýys jınaý fızıkalyq turǵyda múmkin emes. Sonymen qatar saılaýaldy naýqanǵa 1 mln. astam teńge jınaý árkimniń qolynan kelmeıdi", - dedi prezıdentikke úmitker bolǵan Q.Esjanov.
Aıta keteıik, Qanat Sabyruly Esjanov 1962 jyly týǵan, zańger. Saıası dodada ózin-ózi usynyp otyrǵan kandıdattardyń biri.
