Saılaý shtabtarynyń belsendiligi arqasynda úgit-nasıhat jumystary óte joǵary deńgeıde júrgizilýde - A.Chebotarev
ALMATY. QazAqparat - «Alternatıva» mańyzdy zertteýler ortalyǵynyń dırektory Andreı Chebotarev saılaý shtabtarynyń belsendiligi arqasynda úgit-nasıhat jumystary óte joǵary deńgeıde júrgizilýde dep sanaıdy. Bul týraly ol QazAqparat tilshisine bergen suhbatynda málim etti.
«Saılaý shtabtarynyń belsendiligi arqasynda úgit-nasıhat jumystary óte joǵary deńgeıde júrgizilip jatyr. Tipti halyq kommýnısteri de markstik-lenındik doktrınalarynyń eskishildigine qaramastan zamanaýı kommýnıkatsııalar men tehnologııany belsendi túrde qoldanýda. Bul naýqanda jerde burynǵydaı kandıdattardyń emes, ıdeıalar men qundylyqtardyń básekelesi júrip jatyr. Bir qyzyǵy, eshbir kandıdat bir-birine qarsy pikirler aıtyp jatqan joq», - dedi ol.
Sarapshynyń aıtýynsha, kezekten tys Prezıdent saılaýyn ótkizýge birinshi kezekte syrtqy faktorlar sebep bolǵan.
«Syrtqy faktorlar bul mańyzdy sheshimder qabyldaýǵa ıtermeleıtin, halyqty toptastyratyn jáıt. Saılaý ótkizý týraly sheshim, keıin oryn alýy yqtımal keıbir jaǵymsyz saıası jaǵdaılardy boldyrmaýǵa, onyń aldyn alýǵa arnalǵan jaqsy qadam», - dedi A.Chebotarev.
