Saılaý: ShQO-da baıqaýshylar iriktelip, oqytý jumystary júrgizilýde
Sharaǵa saıası partııalar, úkimettik emes uıymdar men qoǵam ókilderi qatysty. Otyrys barysynda Saılaýdy beıpartııalyq baıqaý ortalyǵy Shyǵys Qazaqstan oblyslyq shtabynyń jumysy tanystyrylyp, saıası partııalarǵa baıqaýshylardy daıyndaý boıynsha birlesip jumys isteýge usynys jasaldy.
«Saılaý kezinde beıpartııalyq baıqaý júrgizý bastamasyn qoldaımyz. Ózimizdiń Alıans bazasynda shtab ta qurdyq. Bizdiń Alıansqa múshe bolyp otyrǵan uıymdarmen tıisti jumys júrgizip, baqylaýshylardy iriktedik. Búgingi tańda 1169 adamdy arnaıy trener oqytyp, daıyndap jatyr. Sonymen qatar saılaýdy baqylaýda halyqaralyq tájirıbesi bar mamandarmen kezdesýler ótkizilýde», - dedi ShQO «Azamattyq Alıans» ZTB-nyń atqarýshy dırektory Olga Bobrysheva.
Nur Otan partııasy Shyǵys Qazaqstan oblystyq fılıaly tóraǵasynyń orynbasary Aıgúl Baıjanovanyń aıtýynsha, baıqaýshylarmen jumys isteý boıynsha 20 shtab qurylǵan.
«Barlyq saılaý ýchaskelerindegi baıqaýshylar men senimdi ókilderdiń tizimi jasaldy. Búginde olardy daıyndaý jumystary júrgizilýde. Atap aıtqanda, áýeli negizgi erejeler túsindirilip, teorııa boıynsha oqytyp jatyrmyz», - dedi ol.