Saılaý: Sheteldik baıqaýshylardy tirkeý aıaqtaldy
ASTANA. QazAqparat – 19 naýryz kúni ótetin Májilis depýtattaryn saılaýǵa sheteldik baıqaýshylardy tirkeý aıaqtaldy. Bul týraly Ortalyq saılaý komıssııasynyń tóraǵasy Nurlan Ábdirov aıtty, dep habarlaıdy QazAqparat tilshisi.
«Saılaý týraly» Konstıtýtsııalyq zańnyń normalaryna sáıkes, shet memleketter men halyqaralyq uıymdardyń baıqaýshylaryn akkredıtteýdi júrgizý daýys berý kúninen 5 kún buryn jergilikti ýaqytpen, ıaǵnı, búgin 13 naýryzda 18-00-de aıaqtalady. Osymen saǵat 18-00-de shet memleketterdiń jáne halyqaralyq uıymdardyń baıqaýshylaryn akkredıtteý merzimi tolyǵymen aıaqtaldy», - dedi Nurlan Ábdirov búgin komıssııa otyrysynda.
