Saılaý: Reseıdegi Qazaqstan azamattary qalaı daýys bere alady

MÁSKEÝ. QazAqparat - Aldaǵy 9 maýsymda Qazaqstan Respýblıkasy Prezıdentiniń kezekten tys saılaýy ótedi. Elimizdiń Reseı Federatsııasyndaǵy elshiligi Qazaqstan azamattary bul kúni qalaı daýys bere alatynyn aıtty, dep habarlaıdy QazAqparat.

9 maýsym kúni Reseı aýmaǵynda bolatyn Qazaqstan azamattary Máskeý qalasyndaǵy QR elshiliginde ashylatyn №265 saılaý ýchaskesinde daýys bere alady. Saılaý ýchaskesiniń jumys ýaqyty: 07:00-20:00 (mekenjaıy: Máskeý qalasy, Chıstoprýdnyı býlvary, 3A).

«Saılaýshylardy tizimge engizý protsedýrasyn jeńildetý úshin QR-dyń RF-daǵy elshiligine konsýldyq esepke turýǵa keńes beremiz (siltemeni qarańyz). Sondaı-aq [phone], [phone] telefon nómirine qońyraý shalyp, aty-jónińiz ben JSN-dy habarlaýyńyzdy suraımyz», - delingen elshilik aqparatynda.

Máskeý qalasynan bólek, Reseı aýmaǵyndaǵy ózge tórt qalada daýys berýge bolady. Saılaý ýchaskeleri Qazaqstan Respýblıkasynyń Bas konsýldyǵy men Konsýldyqtarynda jumys isteıdi:

Sankt-Peterbor qalasy, Ryleev kóshesi, 10. Tel.: [phone], faks.: [phone], e-mail: [e-mail], veb-saıt: https://mfa.gov.kz/kz/s-petersburg

Qazan qalasy, Karl Marks kóshesi, 8/13 úı. Telefon: [phone], faks: [phone], veb-saıt: https://kzkazan.ru/kk/, e-mail: [e-mail]

Astrahan qalasy, Akvarel kóshesi, 2B. Telefon: [phone], faks: [phone], e-mail: [e-mail], veb-saıt: www.mfa.kz/kz/astrakhan

Omby qalasy, Sh. Ýálıhanov kóshesi, 9. Telefon: [phone], 32-52-07, 32-52-08, faks: [phone], 32-52-05, veb-saıt: https://kz-omsk.ru/kz, e-mail: [e-mail].

Daýys berýshilerdiń ózimen birge Qazaqstan Respýblıkasynyń pasporty nemese jeke kýáligi bolýy qajet.