Saılaý: Reseıde 5 saılaý ýchaskesi jumys isteıtin bolady

MÁSKEÝ. QazAqparat - Qazaqstan Parlamenti Májilisine saılaý ótetin 10 qańtar kúni Reseı Federatsııasynyń aýmaǵynda júrgen elimiz azamattary úshin 5 daýys berý ýchaskesi jumys isteıdi, dep habarlaıdy QazAqparat.

Qazaqstannyń Reseıdegi Elshiliginiń aqparatyna sáıkes, Elshiliktiń Máskeýdegi ǵımaratynda (Chıstoprýdnyı býlvar, 3 «A») ornalasatyn №265 saılaý ýchaskesi jergilikti ýaqytpen saǵat 07.00 ashylyp, saǵat 20.00-ge deıin jumys isteıtin bolady.

«Saılaýshylar tizimine tirkelý úshin RF-daǵy QR Elshiliginiń konsýldyq esebine turýǵa keńes beriledi. Suraqtar týyndaǵan jaǵdaıda jumys kúnderi shuǵyl jeli nómirine [phone] (#1 ishki nómir) habarlasýǵa bolady... Saılaý ýchaskesine kelgende ózińizben birge QR azamatynyń jeke kýáligi nemese pasporty bolýy kerek. Aǵymdaǵy epıdemıologııalyq ahýaldy eskere otyryp, maskalyq rejım men áleýmettik ara qashyqtyqty saqtaý mańyzdy», - dedi dıpókildikten.

Máskeýden bólek, Qazaqstan Respýblıkasynyń Bas konsýldyqtary janynda ashylatyn saılaý ýchaskelerinde daýys berýge bolady:

Sankt-Peterbýrg qalasy – Ryleeva kóshesi, 10 úı, saılaý ýchaskesi nómiri 290, saıt.

Qazan qalasy – Karl Marks kóshesi, 8/13 úı, saılaý ýchaskesi nómiri 301, saıt.

Astrahan qalasy – Akvarelnaıa kóshesi, 2B úı, saılaý ýchaskesi nómiri 291, saıt.

Omby qalasy – Shoqan Ýálıhanov kóshesi, 9 úı, saılaý ýchaskesi nómiri 292, saıt.