Saılaý Prezıdent N. Nazarbaevqa degen halyq senimin kórsetti - AQSh baıqaýshysy V. Sokor
«Biz saılaý barysynda ár túrli okrýgterde boldyq, saılaý ýchaskeleri komıssııalarynyń múshelerimen, saılaýshylarmen júzdestik. Osyǵan baılanysty saılaýdy asa tabysty ótti dep málimdeı alamyz. Endi Qazaqstan aldaǵy ýaqytta halyq tańdaǵan joldy damyta túsedi dep oılaımyn», - dedi V. Sokor.
Onyń aıtýynsha, halyq saılaýynyń nátıjesinde daýystardyń 80 paıyzdan astamy «Nur Otan» partııasyna tıesili ekeni de belgili bolyp otyr.
«Bul partııa Lıderi N. Nazarbaevqa degen halyq senimi, Prezıdenttiń eńbegin halyq biledi, senedi. Ol Qazaqstanǵa jahandyq jáne óńirlik daǵdarysty eńserýge kómektesetin tulǵa», - dedi V. Sokor.
Onyń aıtýynsha, Qazaqstandaǵy saılaýǵa osymen úshinshi márte baıqaýshy retinde qatysyp otyr. Osy jyldar ishinde saılaý úderisi jyl ótken saıyn jaqsaryp kele jatqanyn baıqatqan. «Saılaý ýchaskeleriniń ishinde de, syrtynda da jaǵymdy jaıttardy kóbirek baıqadyq. Bul da bolsa Qazaqstan halqynyń qoǵam men memleket aıasyndaǵy saıası óskenin bildiredi. Naýryz qarsańynda bolǵan saılaý da belsendilikti arttyrdy dep oılaımyn, halyqtyń qatysý kórsetkishi 80 paıyzdy kórsetti. Bul belsendilik, ıaǵnı 70-80 paıyz arasyndaǵy qatysý kórsetkishi aldaǵy ýaqyttarda da saqtalatyn bolsa, búkil álemge jaqsy úlgi bolatyn edi. Sonyń ishinde AQSh-taǵy saılaýǵa qatysýshylar 40 paıyz, batys Eýropadaǵy qatysýshylardyń 50 paıyzymen salystyrsaq, bul - óte jaǵymdy kórsetkish», - dedi baıqaýshy.
Sonymen qatar, saıası partııalardyń Parlamenttik mandatqa ıe bolý úshin qajetti 7 paıyzǵa qatysty aıtylyp júrgen synǵa da óz pikirin bildirdi. «Árıne, osyndaı syndar aıtylady, alaıda saıası damýdyń dál búgingi ýaqytynda bul Qazaqstan úshin durys meje bolyp otyr. 7 paıyz saıası pisip-jetilmegen partııalardyń, belgili bir múddeli toptardyń qaptap ketýiniń aldyn alady», - dedi ol.
