Saılaý: OSK Meıram Qajykenniń talapqa sáıkestigi týraly qaýly qabyldady
Ortalyq saılaý komıssııasynyń otyrysynda QR Prezıdenttigine kandıdat Meıram Zekeshuly Qajykenniń sáıkestigi týraly Ortalyq saılaý komıssııasynyń múshesi Shafhat Ótemisov baıandama jasady.
Ol kandıdat Meıram Zekeshuly Qajykenge qatysty saılaý týraly Konstıtýtsııalyq zańnyń 59-babynyń talaptaryna sáıkes Ortalyq saılaý komıssııasy ýákiletti memlekettik organdarǵa tıisti suraý salýlar jiberilgenin habarlady.
«Quzyretti memlekettik organdardan kelgen málimetterge saı azamat Qajyken Meıram Zekeshulyna qatysty Qazaqstan Respýblıkasy Prezıdenttigine kandıdat retinde tirkelýge kedergiler joq ekeni anyqtaldy.
Máselen, QR Bas prokýratýrasynyń quqyqtyq statıstıka jáne arnaıy esepke alý jónindegi komıtetiniń málimetine saı Qajyken Meıram Zekeshuly Qazaqstan Respýblıkasynyń Prezıdenttigine kandıdattarǵa qoıylatyn Konstıtýtsııa men «QR saılaý týraly» Konstıtýtsııalyq Zańnyń talaptaryna sáıkes keledi», - dedi OSK múshesi.
Іshki ister mınıstrliginiń málimetine saı Qajyken Meıram Zekeshuly týmysynan Qazaqstan Respýblıkasynyń azamaty bolyp tabylady, Qazaqstanda sońǵy 61 jyl boıy turady.
Sondaı-aq ol lıngvıstıkalyq komıssııa búgin atalǵan úmitkerdiń memlekettik tildi erkin meńgergeni týraly qorytyndy shyǵarǵanyn eske saldy.
«QR memlekettik qyzmet isteri agenttiginen usynylǵan málimetterge saı memlekettik qyzmettegi jáne saılanbaly memlekettik laýazymdardaǵy jumys tájirıbesi – 14 jyl.
Ádilet mınıstrligi usynǵan málimetterge saı Qazaqstan Respýblıkasynyń Prezıdenttigine kandıdat usynǵan Respýblıkalyq qoǵamdyq birlestikterdiń Ádilet mınıstrliginde tirkelgeni týraly qujattary bar»,-dedi Shafhat Ótemisov.
Osyǵan baılanysty Ortalyq saılaý komıssııasy qaýly qabyldady:
«1. Qazaqstan Respýblıkasynyń Prezıdenttigine kandıdat Qasym-Jomart Kemeluly Toqaevtyń Qazaqstan Respýblıkasynyń Konstıtýtsııasynda jáne «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Konstıtýtsııalyq zańynda oǵan qoıylatyn talaptarǵa sáıkes ekeni anyqtalsyn.
2. Qazaqstan Respýblıkasynyń Prezıdenttigine kandıdatty qoldaıtyn qoldardy jınaý úshin qol qoıý paraqtary qajetti mólsherde berilsin.
Qol jınaýdy kandıdattyń senim bildirilgen adamdary júzege asyrady. Senim bildirilgen adamdardy tirkeýdi aýmaqtyq saılaý komıssııalary Ortalyq saılaý komıssııasynyń 2011 jylǵy 21 qarashadaǵy № 62/108 qaýlysymen bekitilgen Nusqaýlyq negizinde júzege asyratyn bolady»,-delingen qujatta.
Eske salaıyq, M.Qajyken búgin OSK-da emtıhan tapsyryp jatqanyn jazǵan bolatynbyz.Sondaı-aq búgin Ortalyq saılaý komıssııasy halyqtyq koalıtsııa atynan prezıdenttikke usynylǵan Qasym-Jomart Toqaevtyń kandıdatýrasyn talaptarǵa saı dep sheshim qabyldady. Sonymen qatar Q.Toqaev lıngvıstıka komıssııasynda nelikten emtıhan tapsyrmaıtynyn túsindirdi.