Saılaý: OSK «Aq jol» partııalyq tizimin tirkedi

NUR-SULTAN. QazAqparat - Búgin QR Ortalyq saılaý komıssııasynyń otyrysynda Májilis depýtattarynyń kezekti saılaýyna «Aq jol» partııasynyń partııalyq tizimin tirkeý týraly qaýly qabyldandy, dep habarlaıdy QazAqparat tilshisi.

QR OSK múshesi Asylbek Smaǵulovtyń aıtýynsha, «Aq jol» partııasynyń partııalyq tiziminde 38 adam bar.

«Onyń 14-i áıel jáne 29 jasqa tolmaǵan adamdar. ıAǵnı bul tizimge engizilgenderdiń jalpy sanynyń 36,8 paıyzyn quraıdy. Ortalyq saılaý komıssııasy ýákiletti organdarmen birlesip, Májilis depýtaty bolyp saılaný úshin partııalyq tizimge engizilgen adamdardyń Konstıtýtsııa men «Saılaý týraly» Konstıtýtsııalyq zańnyń talaptaryna sáıkestigine tekserý júrgizdi. Partııalyq tizimge engizilgen barlyq adamdar Konstıtýtsııanyń jáne «Saılaý týraly» Konstıtýtsııalyq zańnyń talaptaryna sáıkes keledi», - dedi A. Smaǵulov.

Osyǵan baılanysty QR OSK músheleri «2021 jylǵy 10 qańtarǵa taǵaıyndalǵan Qazaqstan Respýblıkasy Parlamenti Májilisi depýtattarynyń kezekti saılaýynda «Aq jol» partııasynyń partııalyq tizimin tirkeý týraly» qaýly qabyldady.