Saılaý onlaın ótpeıdi – Vıtse-mınıstr jaýaby

NUR-SULTAN. QazAqparat – Ortalyq kommýnıkatsııalar ortalyǵynda ótken brıfıngide QR densaýlyq saqtaý vıtse-mınıstri Ajar Ǵınııat saılaýdyń onlaın ótýi Konstıtýtsııalyq zańǵa qaıshy keletinin aıtty, dep habarlaıdy QazAqparat tilshisi.

«Saılaý onlaın ótpeıdi. Elimizdiń Konstıtýtsııalyq zańyna sáıkes, ár azamat óziniń saılaý ýchaskesine baryp, óziniń jeke kýáligin kórsetip, daýys berýi kerek. Mınıstrlik pen medıtsınalyq qyzmetkerler barlyq qaýipsizdik jaǵyn qamtamasyz etýimiz kerek. Sondyqtan saılaý ýchaskeleriniń kire berisinde baılanyssyz termometrııa jáne saılaýshylar úshin qozǵalys baǵyty boıynsha qashyqtyq belgileriniń kórsetkishi bolýy kerek», - deıdi QR densaýlyq saqtaý vıtse-mınıstri Ajar Ǵınııat.

Sondaı-aq, ol saılaý komıssııasynyń jumysyn barlyq kezeń ishinde árbir 3 saǵat saıyn baqylap, maska taǵý rejıimn saqtaýy kerek ekenin aıtty.

«Qoldy dezınfektsııalaýǵa arnalǵan sanıtaızer bolýy kerek. Jıhaz ben tehnıkalyq jabdyqtar bir-birin 1,5-2 metr qashyqtyqta ornalasýy kerek. Ýchaskege kelgen saılaýshynyń bári medıtsınalyq maskamen kelýi tıis jáne oqshaýlaý rejımin belgilep, araqashyqtyqty saqtaýlary qajet», - deıdi ol.